Begin typing your search above and press return to search.
കേരള ഷോപ്സ് ആന്ഡ് എസ്റ്റാബ്ലിഷ്മെന്റ് ആക്ടിൽ ഭേദഗതി
വാണിജ്യ സ്ഥാപനങ്ങളില് ജോലി ചെയ്യുന്ന സ്ത്രീകളുൾപ്പെടെയുള്ള തൊഴിലാളികള്ക്ക് ഇടവേളകളിൽ ഇരിക്കാന് സൗകര്യം നല്കണമെന്ന് വ്യവസ്ഥ ചെയ്യുന്ന നിയമ ഭേദഗതിയ്ക്ക് സംസ്ഥാന മന്ത്രിസഭ അംഗീകാരം നല്കി. ഇത്തരം തൊഴിലിടങ്ങളിലെ സ്ത്രീകള്ക്കെതിരായ ലൈംഗിക അതിക്രമങ്ങള് തടയാനുള്ള വ്യവസ്ഥയും ഭേദഗതിയിലുണ്ട്.
തൊഴിലാളികൾക്ക് ആഴ്ചയിലൊരിക്കല് അവധി നല്കണമെന്ന വ്യവസ്ഥയും നിര്ബ്ബന്ധമാക്കും. ഏതു ദിവസം എന്നത് കടയുടമയ്ക്ക് തീരുമാനിയ്ക്കാം. ദീര്ഘകാലമായി ഈ മേഖലയില് ഉന്നയിക്കപ്പെടുന്ന ആവശ്യങ്ങള്ക്കാണ് നിയമ ഭേദഗതിയിലൂടെ അംഗീകാരം ലഭിക്കുക.
കേരള ഷോപ്സ് ആന്ഡ് എസ്റ്റാബ്ലിഷ്മെന്റ് ആക്ടിലാണ് ഭേദഗതി വരുത്തുന്നത്. ആക്ടിലെ വ്യവസ്ഥകള് ലംഘിച്ചാലുള്ള ശിക്ഷയും വര്ദ്ധിപ്പിക്കും. നിലവില് അയ്യായിരം രൂപ പിഴ എന്നത് ഒരു ലക്ഷം രൂപയായും പതിനായിരം രൂപ പിഴ രണ്ടു ലക്ഷം രൂപയായുമായി ഉയര്ത്തും.
പ്രധാനപ്പെട്ട മറ്റ് വ്യവസ്ഥകൾ
രാത്രി ജോലി ചെയ്യുന്ന സ്ത്രീകളുടെ സുരക്ഷ ഉറപ്പാക്കുന്ന വ്യവസ്ഥകളും ബില്ലിൽ ഉൾപ്പെടുത്തിയിട്ടുണ്ട്. രാത്രി ഒന്പത് മണിക്കു ശേഷവും രാവിലെ ആറ് മണിക്കും മുമ്പുമുളള സമയങ്ങളില് സ്ത്രീകളെ ജോലിക്ക് നിയോഗിക്കുന്നതിന് നിയന്ത്രണങ്ങള് ഏര്പ്പെടുത്തും.
അഞ്ച് പേരെങ്കിലുമുളള ഗ്രൂപ്പുണ്ടെങ്കിലേ ഈ സമയങ്ങളില് സ്ത്രീകളെ ജോലിക്ക് നിയോഗിക്കാന് പാടുള്ളൂ. ഈ അഞ്ചു പേരില് രണ്ടു സ്ത്രീകളെങ്കിലുമുണ്ടായിരിക്കണം .
രാത്രി ജോലി ചെയ്യുന്നവര്ക്ക് തിരിച്ച് താമസ സ്ഥലത്തെത്താന് ആവശ്യമായ വാഹന സൗകര്യം കടയുടമ ഏര്പ്പെടുത്തണം
Next Story