Top

കോവിഡ് വാക്‌സിന്‍ ഫാര്‍മസികളില്‍ ലഭിക്കുമോ? അറിയാം

രാജ്യത്ത് കോവിഡ് വ്യാപകമാകുന്ന സാഹചര്യത്തില്‍ സൗജന്യമായല്ലെങ്കിലും വാക്‌സിനെടുക്കാനുള്ള ഒരുക്കത്തിലാണ് പലരും. മെയ് ഒന്നുമുതല്‍ കോവിഡ് വാക്‌സിനുകള്‍ ഓപ്പണ്‍ മാര്‍ക്കറ്റില്‍ വില്‍ക്കാന്‍ സര്‍ക്കാര്‍ അനുമതിയും നല്‍കിയിട്ടുണ്ട്. എന്നാല്‍ ഫാര്‍മസിയിലൂടെയോ രസതന്ത്രജ്ഞര്‍ മുഖേനയോ വഴിയോ വാക്‌സിന്‍ ലഭ്യമാകില്ല. ആശുപത്രികള്‍ക്കും അംഗീകൃത വാക്‌സിനേഷന്‍ കേന്ദ്രങ്ങള്‍ക്കും മാത്രമേ വാക്‌സിനുകള്‍ നല്‍കാന്‍ കഴിയൂ.

കോവിഡ് വാക്‌സിനുകള്‍ അടിയന്തിര ലൈസന്‍സിന് കീഴില്‍ വരുന്നതാണ്. ഇവ രസതന്ത്രജ്ഞര്‍ക്ക് വില്‍ക്കാന്‍ സാധിക്കില്ല. വാക്‌സിനുകള്‍ ശരിയായി സജ്ജീകരിക്കേണ്ടതും വാക്‌സിനേഷന്‍ നല്‍കുമ്പോള്‍ മാര്‍ഗനിര്‍ദേശങ്ങള്‍ പാലിക്കുകയും ചെയ്യേണ്ടത് പ്രധാനമാണ്. കൂടാതെ, ഈ പ്രതിരോധ കുത്തിവയ്പ്പ് കേന്ദ്രങ്ങളെല്ലാം, എഇഎഫ്‌ഐ മാനേജ്‌മെന്റ് സെന്ററുകളുമായി ബന്ധിപ്പിക്കേണ്ടതുമുണ്ട്.
രോഗപ്രതിരോധത്തെ (എഇഎഫ്‌ഐ) തുടര്‍ന്നുള്ള പ്രതികൂല സംഭവങ്ങള്‍ കോവിനില്‍ രേഖപ്പെടുത്തുകയും സൂക്ഷ്മമായി നിരീക്ഷിക്കുകയും ചെയ്യുമെന്ന് മുതിര്‍ന്ന ഉദ്യോഗസ്ഥര്‍ പറഞ്ഞതായി ഒരു ദേശീയ മാധ്യമം റിപ്പോര്‍ട്ട് ചെയ്തു.
ആരോഗ്യ, മുന്‍നിര തൊഴിലാളികള്‍ക്കും 45 വയസിന് മുകളിലുള്ളവര്‍ക്കും കേന്ദ്രത്തിന്റെ ദേശീയ കോവിഡ് രോഗപ്രതിരോധ പദ്ധതി പ്രകാരം സൗജന്യമായാണ് കോവിഡ്‌ വാക്‌സിനുകള്‍ നല്‍കുന്നത്‌. മെയ് ഒന്ന് മുതല്‍ സ്വകാര്യ ആശുപത്രികള്‍, സംസ്ഥാനങ്ങള്‍ എന്നിവയ്ക്ക് മുന്‍കൂട്ടി നിശ്ചയിച്ചിട്ടുള്ള നിര്‍മാതാക്കളില്‍ നിന്ന് വാക്‌സിനുകള്‍ നേരിട്ട് വാങ്ങാവുന്നതാണ്. 18 വയസിനു മുകളിലുള്ളവര്‍ക്ക് വാക്‌സിന് നിശ്ചിത വില ഈടാക്കിയായിരിക്കും കുത്തിവെയ്‌പ്പെടുക്കുക.



Dhanam News Desk
Dhanam News Desk  

Related Articles

Next Story

Videos

Share it