വീണ്ടും ഉയർന്നു വിപണി; ഡിഷ് ടിവിയിൽ പുതിയ ആരോപണം

വിപണി ഉയരത്തിൽ നിന്ന് ഉയരത്തിലേക്കു നീങ്ങുന്നു. പക്ഷേ ലാഭമെടുക്കൽ കുതിപ്പിനു തടസങ്ങൾ സൃഷ്ടിക്കുന്നു. ഇന്നു രാവിലെയും സൂചികകളെ നല്ല ഉയരത്തിലെത്തിച്ചു കൊണ്ടാണ് ഓഹരികൾ വ്യാപാരം തുടങ്ങിയത്. സെൻസെക്സ് 58,900 നു മുകളിൽ എത്തിയ ശേഷം താണു. നിഫ്റ്റി രാവിലെ 17,576.9 ലെത്തിയിരുന്നു. വ്യാപാരം ഒരു മണിക്കൂർ പിന്നിട്ടപ്പോഴേക്കു മുഖ്യസൂചികകൾ തുടക്കത്തിലെ നേട്ടം മുഴുവൻ തന്നെ നഷ്ടപ്പെടുത്തിയ നിലയിലായി. പക്ഷേ താമസിയാതെ തിരിച്ചു കയറി.