ലാഭമെടുക്കലിൽ സൂചികകൾ താണു

ലാഭമെടുക്കൽ ഓഹരി സൂചികകളെ താഴോട്ടു വലിക്കുന്നതാണ് ഇന്നു രാവിലെ കണ്ടത്. അമേരിക്കൻ ഓഹരി സൂചികകളുടെ ഫ്യൂച്ചേഴ്സ് താഴോട്ടു പോയതും വിപണിയെ സ്വാധീനിച്ചു. എന്നാൽ തിരുത്തലിനുള്ള സാഹചര്യം ഇല്ല.

അമേരിക്കയിലെ കുടിയേറ്റ - വീസ നിയമങ്ങളിൽ ട്രംപ് ഭരണകൂടം കൊണ്ടുവന്ന മാറ്റങ്ങൾ കോടതി റദ്ദാക്കി. ഇന്ത്യൻ ഐടി കമ്പനികൾക്ക് നേട്ടമാണിത്.

ഡോളർ ദൗർബല്യം തുടരുന്നു . ഡോളർ 15 പൈസ താണ് 73.53 രൂപയിലെത്തി.

ലോകവിപണിയിൽ രാവിലെ 1817 ഡോളർ വരെ കയറിയ സ്വർണം 1807-ലേക്കു താണു. കേരളത്തിൽ പവന് 200 രൂപ കൂടി 36,120 രൂപയായി.