സ്വര്‍ണ വില വീണ്ടും ഇടിഞ്ഞു; കേരളത്തില്‍ ഇനിയും വില കുറയുമോ?

കേരളത്തില്‍ സ്വര്‍ണവില പവന് 400 രൂപ കുറഞ്ഞ് 41200 ആയി. രണ്ട് ദിവസം കൊണ്ട് കുറഞ്ഞത് 800 രൂപയോളം.

gold price came down
-Ad-

തിടര്‍ച്ചയായ രണ്ടാം ദിവസവും കേരളത്തില്‍ സ്വര്‍ണ വില കുത്തനെ ഇടിഞ്ഞു. ഓഗസ്റ്റ് 11 ന് രാവിലെ ഒരു പവന് 400 രൂപ കുറഞ്ഞ് 41200 രൂപയിലാണ് വ്യാപാരം പുരോഗമിക്കുന്നത്. ഒരു ഗ്രാമിന് 5150 രൂപയാണ് ഇന്നത്ത നിരക്ക്. കഴിഞ്ഞ ഒരാഴ്ച കാലം കൊണ്ട് വന്ന ഇടിവാണിത്.

രണ്ട് ദിവസത്തിനിടെ തന്നെ സ്വര്‍ണ വിലയില്‍ പവന് 800 രൂപയുടെ കുറവാണുണ്ടായിരിക്കുന്നത്. ഓഗസ്റ്റ് മാസത്തെ ഏറ്റവും ഉയര്‍ന്ന വില പവന് 42000 രൂപയായിരുന്നു. ചരിത്രത്തിലെ തന്നെ എക്കാലത്തെയും ഉയര്‍ന്ന സ്വര്‍ണവിലയാണിത്. മൂന്നു ദിവസം കൊണ്ടാണ് അതില്‍ ഇടിവുണ്ടായിട്ടുള്ളത്.

ഇന്ത്യന്‍ വിപണിയിലും ആഗോള വിപണിയിലും ഇന്ന് സ്വര്‍ണവില ഇടിഞ്ഞിട്ടുണ്ട്. ഇന്ത്യന്‍ വിപണികളില്‍ ഇന്ന് സ്വര്‍ണ്ണത്തിന്റെ മാത്രമല്ല ള്ളിയുടെയും വില ഇടിഞ്ഞിട്ടുണ്ട്. എംസിഎക്‌സില്‍ ഒക്ടോബര്‍ സ്വര്‍ണ്ണ ഫ്യൂച്ചറുകള്‍ 10 ഗ്രാമിന് 0.63 ശതമാനം ഇടിഞ്ഞ് 54,600 രൂപയിലെത്തി. മൂന്ന് ദിവസത്തിനുള്ളില്‍ ഇത് രണ്ടാമത്തെ ഇടിവാണ്. എംസിഎക്സിലെ സില്‍വര്‍ ഫ്യൂച്ചറുകള്‍ ഒരു ശതമാനം കുറഞ്ഞ് കിലോയ്ക്ക് 74,700 രൂപയിലെത്തി.

-Ad-

ആഗോള വിപണിയില്‍ ഡോളറിന്റെ സമ്മര്‍ദ്ദം വില ഇടിവ് വരാന്‍ കാരണമായിട്ടുണ്ട്. സ്പോട്ട് സ്വര്‍ണ വില 0.3 ശതമാനം ഇടിഞ്ഞ് 2,021.32 ഡോളറിലെത്തി. യുഎസ് ഫ്യൂച്ചേഴ്‌സ് 0.3 ശതമാനം ഇടിഞ്ഞ് 2,033.60 ഡോളറിലെത്തി. വെള്ളി വില ഔണ്‍സിന് 1.2 ശതമാനം ഇടിഞ്ഞ് 28.81 ഡോളറിലും പ്ലാറ്റിനം 0.9 ശതമാനം ഇടിഞ്ഞ് 978.10 ഡോളറിലുമെത്തി.

ഡെയ്‌ലി ന്യൂസ് അപ്‌ഡേറ്റുകള്‍, Podcasts, Videos എന്നിവ നിങ്ങളുടെ ഫോണിൽ ലഭിക്കാൻ join Dhanam Telegram Channel – https://t.me/dhanamonline

LEAVE A REPLY

Please enter your comment!
Please enter your name here