Begin typing your search above and press return to search.
ഗൂഗ്ള് സ്റ്റോറേജ് നിറയുമെന്ന പേടിവേണ്ട; പണം ചെലവഴിക്കാതെ സ്റ്റോറേജ് സ്വന്തമാക്കുന്നതെങ്ങനെ?
ലോകമെമ്പാടുമായി ഒരു ബില്യണിലധികം ഉപയോക്താക്കളുള്ള ഗൂഗ്ള് അധിക സ്റ്റോറേജിനായി പണം ഈടാക്കാന് തുടങ്ങിയത് ഈയടുത്താണ്. കൂടുതല് സ്പേസിനു വേണ്ടി പണം മുടക്കുക എന്നത് പ്രൊഫഷണലുകള്ക്കും സാധാരണ വ്യക്തികള്ക്കും ഒരു പോലെ തലവേദനയാണ്, പ്രത്യേകിച്ച് ജി മെയില് സ്പേസില്.
ഗൂഗ്ള് ഡ്രൈവ്, ജിമെയ്ല്, ഗൂഗ്ള് ഫോട്ടോസ്, മറ്റ് ഗൂഗ്ള് സേവനങ്ങള് എന്നിവയിലുടനീളം അനുവദിച്ചിട്ടുള്ള 15 ജിബി സൗജന്യ സ്റ്റോറേജ് എല്ലാ ഗൂഗിള് അക്കൗണ്ടിനും ലഭിക്കും. ആദ്യംതന്നെ ജിമെയിലില് നിന്ന് തുടങ്ങാം. ഇന്ബോക്സിലേക്കുള്ള എല്ലാ പ്രമോഷണല് ഇമെയിലുകളും ജി-മെയ്ല് നിറച്ചേക്കാം. ഇത് ഇനാക്റ്റീവ് ആക്കുക എന്നതാണ് ആദ്യ പടി. മറ്റൊന്ന് ഗൂഗ്ള് ഫോട്ടോസ് ആണ്.
ഗൂഗ്ള് സ്റ്റോറേജ് സ്വമേധയാ വൃത്തിയാക്കുന്നത് ആക്റ്റീവ് ആക്കിയാല് ഗൂഗിള് ഫോട്ടോസിലെ സ്പേസ് പ്രശ്നം പരിഹരിക്കാം. ഗൂഗ്ള് അക്കൗണ്ടില് സ്പേസ് കണ്ടെത്താന് സഹായിക്കന്ന വഴികളിതാ.
വലിയ അറ്റാച്ച്മെന്റുകള് മാറ്റാന്
വലിയ ഇമെയില് അറ്റാച്ച്മെന്റുകള് നേരിട്ട് മായ്ക്കാന് ഇനിപ്പറയുന്ന ഘട്ടങ്ങള് സഹായിക്കും.
ജിമെയില് അക്കൗണ്ടിലേക്ക് പോയി സെര്ച്ചില് 'has:attachment larger:10M' എന്ന് ടൈപ്പ് ചെയ്യുക. വലിയ ഫയലുകള് ഒഴിവാക്കാന് നിങ്ങള് പദ്ധതിയിടുകയാണെങ്കില്, '10' എന്നതിന് പകരം ഉയര്ന്ന സംഖ്യ നല്കുക.
ഗൂഗിള് സേര്ച്ച് ഫലങ്ങള് വന്നാല്, ആവശ്യമില്ലാത്ത എല്ലാ ഇമെയിലുകളും തിരഞ്ഞെടുത്ത് ഇല്ലാതാക്കുക ബട്ടണ് പ്രസ് ചെയ്യുക.
ഇനി ട്രാഷിലേക്ക് പോയി നിങ്ങളുടെ ട്രാഷ് ബിന് ക്ലിയര് ചെയ്യുക.
ഗൂഗിള് ഡ്രൈവില് സ്പേസിന്
നിങ്ങളുടെ ഗൂഗ്ള് ഡ്രൈവ് ഇന്ബോക്സില് നിന്ന് മറ്റിനങ്ങള് മായ്ക്കാന്, ഡ്രൈവ് തുറക്കുക, ഇടത് വശത്തെ ടൂള്ബാറില് നിന്ന് 'എല്ലാ ഫയലുകളും' കാണാനായി വ്യൂ തിരഞ്ഞെടുക്കുക, പഴയ ഫയലുകള് സ്വമേധയാ തിരഞ്ഞെടുത്ത് ഇല്ലാതാക്കുക.
അനാവശ്യമായ എല്ലാ ഇമെയിലുകളില് നിന്നും അണ്സബ്സ്ക്രൈബ് ചെയ്യുകയും പഴയവ ഇല്ലാതാക്കുകയും ചെയ്യേണ്ടത് പ്രധാനമാണ്. ധാരാളം ഇമെയിലുകള് അല്ലെങ്കില് വാര്ത്താക്കുറിപ്പുകള് അയയ്ക്കുന്ന വെബ്സൈറ്റുകളില് നിങ്ങള് സൈന് അപ്പ് ചെയ്തിട്ടുണ്ടെങ്കില്, അവ അണ്സബ്സ്ക്രൈബ് ചെയ്യുക.
ജിമെയില് തുറന്ന് നിങ്ങള്ക്ക് അണ്സബ്സ്ക്രൈബ് ചെയ്യാന് താല്പ്പര്യമുള്ള ഏതെങ്കിലും ഇമെയില് തിരഞ്ഞെടുക്കുക.
അയച്ചയാളുടെ പേരിന് അടുത്തുള്ള അണ്സബ്സ്ക്രൈബ് ബട്ടണില് ക്ലിക്ക് ചെയ്യുക.
പോപ്പ്അപ്പ് വിന്ഡോ പ്രത്യക്ഷപ്പെട്ടുകഴിഞ്ഞാല്, അണ്സബ്സ്ക്രൈബ് ക്ലിക്ക് ചെയ്യുക, അയച്ചയാളില് നിന്ന് നിങ്ങള്ക്ക് കൂടുതല് ഇമെയിലുകള് ആവശ്യമില്ലെന്ന് ഇത് സ്ഥിരീകരിക്കും.
അയയ്ക്കുന്നയാളുടെ വെബ്സൈറ്റിലേക്ക് നിങ്ങളെ റീഡയറക്ട് ചെയ്യുന്ന അവസരങ്ങളുണ്ട്, അവിടെ നിങ്ങള്ക്ക് ഇമെയില് ഓപ്ഷന് എളുപ്പത്തില് ഇല്ലാതാക്കാം.
Next Story