‘റെഡ്മി നോട്ട് 9 പ്രോ മാക്‌സി’ന്റെ അടുത്ത വില്‍പ്പന ജൂണ്‍ 24ന്; വിലയും പ്രത്യേകതകളും അറിയാം

കുറഞ്ഞ വിലയില്‍ മികച്ച സവിശേഷതകളുള്ള ഡിവൈസ് എന്ന് വിശേഷിപ്പിക്കാവുന്ന സ്മാര്‍ട്ട്‌ഫോണാണ് റെഡ്മി നോട്ട് 9 പ്രോ മാക്‌സ്.

-Ad-

റെഡ്മി ആരാധകരുടെ ഇഷ്ട സ്മാര്‍ട്‌ഫോണായ റെഡ്മി നോട്ട് 9 പ്രോ മാക്‌സിന്റെ അടുത്ത വില്‍പ്പന ജൂണ്‍ 24ന് ഉച്ചയ്ക്ക് 12 മണിക്ക് നടക്കും. ഫോണിന്റെ ഔദ്യോഗിക വെബ്‌സൈറ്റായ എംഐ ഡോട്ട് കോം കൂടാതെ ആമസോണിലും ഡിവൈസ് ലഭ്യമാകും. കുറഞ്ഞ വിലയില്‍ മികച്ച സവിശേഷതകളുള്ള ഡിവൈസ് എന്ന് വിശേഷിപ്പിക്കാവുന്ന സ്മാര്‍ട്ട്‌ഫോണാണ് റെഡ്മി നോട്ട് 9 പ്രോ മാക്‌സ്. സവിശേഷതകളും വിലയും അറിയാം.

ക്വാല്‍കോം സ്നാപ്ഡ്രാഗണ്‍ 720 ജി പ്രോസസര്‍ കരുത്തു പകരുന്ന ഫോണാണിത്. മിഡ് റേഞ്ച് ചിപ്സെറ്റിനൊപ്പം അഡ്രിനോ 618 ജിപിയുവും 8 ജിബി വരെ റാമും ലഭ്യമാണ്. 128 ജിബി വരെ സ്റ്റോറേജുള്ള ഈ ഡിവൈസില്‍ 256 ജിബി മൈക്രോ എസ്ഡി കാര്‍ഡ് സപ്പോര്‍ട്ടുണ്ട്. ആന്‍ഡ്രോയ്ഡ് 10 ഒഎസ് ബേസ്ഡ് എംഐയുഐ 11 സ്‌കിനിലാണ് ഇത് പ്രവര്‍ത്തിക്കുന്നത്. 6.67 ഇഞ്ച് ഡോട്ട് ഡിസ്പ്ലേയാണ് ഫോണിനുള്ളത്. ഇത് 1080 x 2400 പിക്സല്‍ എഫ്എച്ച്ഡി + റെസല്യൂഷന്‍ വാഗ്ദാനം ചെയ്യുന്നു. കോര്‍ണിംഗ് ഗോറില്ല ഗ്ലാസ് 5 പ്രോട്ടക്ഷനുമുണ്ട്.

32 എംപി സെല്‍ഫി ക്യാമറയ്ക്കായി ഒരു പഞ്ച്-ഹോള്‍ നല്‍കിയിട്ടുണ്ട്. പിന്നില്‍ നല്‍കിയിട്ടുള്ളത് ക്വാഡ്-റിയര്‍ ക്യാമറ സെറ്റപ്പാണ്. ഇതില്‍ 64 എംപി പ്രൈമറി സെന്‍സറിനൊപ്പം ആംഗിള്‍ ഷോട്ടുകള്‍ക്കായി 8 എംപി സെന്‍സറും നല്‍കിയിട്ടുണ്ട്. എംപി മാക്രോ സെന്‍സറും 2 എംപി ഡെപ്ത് സെന്‍സറുമാണ് ക്യാമറ സെറ്റപ്പിന്റെ മറ്റ് പ്രത്യേകതകള്‍.

-Ad-

33W ഫാസ്റ്റ് ചാര്‍ജിംഗ് സപ്പോര്‍ട്ടുള്ള 5,020 mAh ബാറ്ററിയാണിതിന്. സൈഡ് മൗണ്ട് ചെയ്ത ഫിംഗര്‍പ്രിന്റ് സെന്‍സറുമുണ്ട് ഫോണില്‍. റെഡ്മി നോട്ട് സീരീസ് ബജറ്റ് സെഗ്മെന്റ് ഉപയോക്താക്കളെയാണ് ലക്ഷ്യം വയ്ക്കുന്നത്. കുറഞ്ഞ വിലയ്ക്ക് മികച്ച സവിശേഷതകളുള്ള സ്മാര്‍ട്ട്‌ഫോണ്‍ അന്വേഷിക്കുന്നവര്‍ക്ക് മികച്ച ചോയ്‌സാണ് ഈ സ്മാര്‍ട്ട്‌ഫോണ്‍.
എങ്കിലും നോട്ട് 9 പ്രോ മാക്‌സിന്റെ വില കഴിഞ്ഞ ദിവസം വര്‍ധിപ്പിച്ചിരുന്നു.

6 ജിബി റാം + 64 ജിബി സ്റ്റോറേജ് ഓപ്ഷന് ഇന്ത്യയില്‍ ഇപ്പോള്‍ 16,999 രൂപയും 6 ജിബി റാം + 128 ജിബി സ്റ്റോറേജ് ഓപ്ഷന് ഇപ്പോള്‍ 18,499 രൂപയുമാണ് വില. നേരത്തെ ഇത് യഥാക്രമം 16,499 രൂപയും 17,999 രൂപയുമായിരുന്നു. 8 ജിബി റാം + 128 ജിബി മോഡലിന് വിലവര്‍ധനവ് ഇല്ല. 19,999 രൂപയാണ് ഈ മോഡലിന്റെ വില.

ഡെയ്‌ലി ന്യൂസ് അപ്‌ഡേറ്റുകള്‍, Podcasts, Videos എന്നിവ നിങ്ങളുടെ ഫോണിൽ ലഭിക്കാൻ join Dhanam Telegram Channel – https://t.me/dhanamonline

3 COMMENTS

  1. 2 മോഡലിനും ചൈന വില വര്‍ധിപ്പിച്ചു. . . അതായത് കൂടുതല്‍ ദേശ സ്നേഹികളും ഭാരതീയ സംസ്കാരക്കാരും ചൈനീസ് ഫോണ്‍ വാങ്ങാന്‍ ക്യൂ നിന്നപ്പോള്‍ സാധാരണ പോലെ വില കുറയുന്നതിന് പകരം വില കൂട്ടി. . . എങ്കില്‍ വിഡ്ഡികളായ ഇന്ത്യക്കാരുള്ളിടത്തോളം ചൈനക്കാര്‍ രക്ഷപ്പെടും. . .

  2. ഇന്ത്യ മത്സരിച്ച് ജയിച്ച് മാർക്കറ്റ് സ്വന്തമാക്കണം. ഉല്പന്നങ്ങൾ വിപണിയിൽ സമാന വിലയിലോ ക്വാളിറ്റി യിലോന ൽ ക ണം. ജവാന്മാർ മാത്രം വൈദഗ്യമംള്ളവരായാൽ പോരാ.രാഷ്ട്രീയക്കാരുടെ നാക്കിനും അസൂയക്കും മാത്രം മൂർച്ചയുണ്ടായാൽ പോരാ.

LEAVE A REPLY

Please enter your comment!
Please enter your name here