ബി.എം.ഡബ്ല്യുവിന്റെ പുത്തന്‍ സൂപ്പര്‍ബൈക്ക്, വില 31 ലക്ഷം
ബി.എം.ഡബ്ല്യു മോട്ടോറാഡിന്റെ ആര്‍18 ട്രാന്‍സ്‌കോണ്ടിനെന്റല്‍ ഇന്ത്യയില്‍
Image : BMW Motorrad website
പ്രമുഖ ജര്‍മ്മന്‍ ആഡംബര വാഹന നിര്‍മ്മാതാക്കളായ ബി.എം.ഡബ്ല്യു മോട്ടോറാഡിന്റെ പുത്തന്‍ സൂപ്പര്‍ബൈക്കായ ആര്‍18 ട്രാന്‍സ്‌കോണ്ടിനെന്റല്‍ ഇന്ത്യന്‍ വിപണിയിലെത്തി. 31.50 ലക്ഷം രൂപയാണ് എക്‌സ്‌ഷോറൂം വില. ആകര്‍ഷക ടൂറര്‍ രൂപകല്‍പന, ബിഗ് ബോക്‌സ് എന്‍ജിന്‍, ഉന്നത സാങ്കേതിക നിലവാരം, മികച്ച റൈഡിംഗ് പൊസിഷന്‍ എന്നിങ്ങനെ നിരവധി മികവുകളുണ്ട്.
ആര്‍18 ട്രാന്‍സ്‌കോണ്ടിനെന്റലിന്റെ കോക്പിറ്റ്‌
വലിയ വിന്‍ഷീല്‍ഡോടെയുള്ള വീതിയേറിയ ഹാന്‍ഡില്‍ബാര്‍, വിന്‍ഡ് ഡിഫ്‌ളക്ടര്‍, പിലിയണ്‍ സീറ്റ് തുടങ്ങിയവ ദീര്‍ഘമായ യാത്രകള്‍ (ക്രൂസിംഗ്) ആസ്വാദ്യകരമാക്കും. ക്ലാസിക്കല്‍ശൈലിയില്‍ ഒരുക്കിയിട്ടുള്ള കോക്പിറ്റില്‍ 4 സര്‍ക്കുലാര്‍ ഇന്‍സ്ട്രുമെന്റ്‌സ് കാണാം. 10.25 ഇഞ്ച് ടി.എഫ്.ടി കളര്‍ ഡിസ്‌പ്ലേ സ്‌ക്രീനും ഇതോടൊപ്പമുണ്ട്. പ്രത്യേകമായി രൂപംനല്‍കിയ എല്‍.ഇ.ഡി ഹെഡ്‌ലൈറ്റ് മികച്ച കാഴ്ച സമ്മാനിക്കും. ഗ്രാഫിക്കല്‍ എല്‍.ഇ.ഡി ഡേടൈം ലൈറ്റും ഇടംപിടിച്ചിട്ടുണ്ട്.