ഐഫോണില്‍ നിന്ന് ഇ.വിയിലേക്ക്; ഇന്ത്യയില്‍ പ്ലാന്റ് തുറക്കാന്‍ ഫോക്‌സ്‌കോണ്‍
തെക്ക് കിഴക്കന്‍ ഏഷ്യന്‍ വിപണികള്‍ക്കുള്ള ഇരുചക്ര വാഹനങ്ങള്‍ രാജ്യത്ത് നിര്‍മിക്കും
ആപ്പിളിനുവേണ്ടി ഐഫോണ്‍ നിര്‍മിക്കുന്ന പ്രമുഖ തായ്‌വാന്‍ കമ്പനിയായ ഫോക്‌സ്‌കോണ്‍ ഇലക്ട്രിക് വാഹന(ഇ.വി) നിര്‍മാണത്തിലേക്ക് കടക്കുന്നു. ഇന്ത്യയില്‍ ഇ.വി നിര്‍മാണ പ്ലാന്റുകള്‍ തുറക്കാനാണ് കമ്പനി ഉദ്ദേശിക്കുന്നത്. ഇതിനായി മഹാരാഷ്ട്ര, തെലങ്കാന, തമിഴ്‌നാട്, ആന്ധ്രാപ്രദേശ് എന്നീ നാല് സംസ്ഥാനങ്ങളുമായി ചര്‍ച്ച നടത്തുന്നതായി റിപ്പോര്‍ട്ടുകളുണ്ട്.
കഴിഞ്ഞ മേയ് 31ന് പുറത്തിറക്കിയ വാര്‍ഷിക റിപ്പോര്‍ട്ടില്‍ ഇ.വി വിപണിയിലേക്കും കടക്കുന്നതിന്റെ സൂചനകള്‍ കമ്പനി നല്‍കിയിരുന്നു. തെക്കുകിഴക്കന്‍ ഏഷ്യന്‍ വിപണിയിലേക്കുള്ള ഇരുചക്ര വൈദ്യുത വാഹനങ്ങള്‍ ഇന്ത്യയില്‍ നിര്‍മിക്കാനാണ് പദ്ധതി. ഉടന്‍ തന്നെ ഇന്ത്യന്‍ പ്രതിനിധികള്‍ തായ്‌വാന്‍ സന്ദര്‍ശിച്ച് ഫോക്‌സ്‌കോണ്‍ മേധാവികളുമായി ഇ.വി പദ്ധതികളെ കുറിച്ച് ചര്‍ച്ച നടത്തും.