ഒറ്റ ചാര്‍ജില്‍ 473 കിലോമീറ്റർ ഓടും! ക്രെറ്റയുടെ ഇലക്ട്രിക് അവതരിപ്പിച്ച് ഹ്യുണ്ടായ്, എതിരാളികള്‍ക്ക് നെഞ്ചിടിപ്പ്
2015 മുതല്‍ ഇതുവരെ 11 ലക്ഷം യൂണിറ്റുകളാണ് ക്രെറ്റയുടെ വിറ്റുപോയത്
Image courtesy: facebook.com/HyundaiIndia
ഹ്യുണ്ടായ് ഇന്ത്യയിൽ നിർമ്മിക്കുന്ന ആദ്യത്തെ ഇലക്ട്രിക് വാഹനം എന്ന നേട്ടം സ്വന്തമാക്കി ക്രെറ്റ. 51.4 കിലോവാട്ട് അവർ ബാറ്ററി പാക്കും 473 കിലോമീറ്റർ റേഞ്ചുമാണ് ക്രെറ്റ ഇലക്ട്രിക്കിന് ഉണ്ടാവുക. 11 കിലോവാട്ട് എ.സി വാൾ ബോക്സ് ചാർജര്‍ ഉപയോഗിച്ച് 10 ശതമാനം മുതൽ 100 ശതമാനം വരെ ചാർജ് ആകാൻ നാല് മണിക്കൂറും ഡി.സി ചാർജർ ഉപയോഗിച്ചാൽ 10 ശതമാനം മുതൽ 80 ശതമാനം വരെ ചാർജ് ആകാൻ 58 മിനിറ്റും മതിയാകും.
ആക്ടിവ് എയർ ഫ്ലാപ്, ലോ റോളിങ് റെസിസ്റ്റൻസ് ഉള്ള 17 ഇഞ്ച് എയ്റോ അലോയ് വീൽ, സ്മാർട്ട് ഫോൺ വഴി പ്രവര്‍ത്തിപ്പിക്കാവുന്ന ഡിജിറ്റൽ കീ മുതലായവയാണ് ഇവയുടെ പ്രധാന ഫീച്ചറുകള്‍.
ബോൾഡ് ഡിസൈനിന്റെയും മോഡേൺ ടെക്നോളജിയുടെയും പെർഫക്റ്റ് ബ്ലെൻഡ് ആയ ഹ്യുണ്ടായിയുടെ ഗ്ലോബൽ പിക്സൽ ഡിസൈൻ ലാംഗ്വേജ് അടിസ്ഥാനമാക്കിയാണ് വാഹനം ഒരുക്കിയിരിക്കുന്നത്. ജനുവരി 17 ന് നടക്കുന്ന ഭാരത് മൊബിലിറ്റി ഷോയിൽ ക്രെറ്റ ഇലക്ട്രിക്കിന്റെ വില പ്രഖ്യാപിക്കും.
റെക്കോഡ് വില്‍പ്പന
മാരുതി സുസുക്കി ഗ്രാന്റ് വിത്താര, കിയ സെൽറ്റോസ്, ടൊയോട്ട അർബൻ ക്രൂയിസർ ഹൈറൈഡർ, ഹോണ്ട എലവേറ്റ്, സ്കോഡ കുഷാക്ക്, ഫോക്സ് വാഗൺ ടൈഗൂൺ, എം.ജി.ആസ്റ്റർ തുടങ്ങിയവയാണ് ക്രെറ്റയുടെ എതിരാളികള്‍.