Begin typing your search above and press return to search.
2030 ഓടെ 60 ശതമാനം ഇലക്ട്രിക്കാകും, ജാഗ്വാര്‍ ലാന്‍ഡ് റോവറിന്റെ ലക്ഷ്യമിങ്ങനെ
നാല് വര്‍ഷത്തിനുള്ളില്‍ ആറ് ഓള്‍-ഇലക്ട്രിക് വേരിയന്റുകള്‍ അവതരിപ്പിക്കാനാണ് നിര്‍മാതാക്കള്‍ ഒരുങ്ങുന്നത്
2030 ഓടെ ആഗോള ഇവി (EV രംഗത്ത് മുന്നേറാന്‍ പുത്തന്‍ നീക്കങ്ങളുമായി ജാഗ്വാര്‍ ലാന്‍ഡ് റോവര്‍ (Jaguar Land Rover). ടാറ്റ മോട്ടോഴ്സിന്റെ (Tata Motors) ഉടമസ്ഥതയിലുള്ള ആഡംബര കാര്‍ നിര്‍മാതാക്കളായ ജാഗ്വാര്‍ ലാന്‍ഡ് റോവര്‍ 2030-ഓടെ ആഗോള വില്‍പ്പനയുടെ 60 ശതമാനം ഇലക്ട്രിക് ആക്കി മാറ്റാനാണ് ലക്ഷ്യമിടുന്നത്.
അടുത്ത നാല് വര്‍ഷത്തിനുള്ളില്‍, കമ്പനി അതിന്റെ ഫ്‌ളെക്‌സിബിള്‍ മോഡുലാര്‍ ലോംഗിറ്റിയൂഡിനല്‍ ആര്‍ക്കിടെക്ചര്‍ (എംഎല്‍എ), ഇലക്ട്രിക് മോഡുലാര്‍ (Electric Vehicles) ആര്‍ക്കിടെക്ചര്‍ (ഇഎംഎ) എന്നിവയിലുടനീളം ആറ് ഓള്‍-ഇലക്ട്രിക് വേരിയന്റുകള്‍ അവതരിപ്പിക്കാനും പദ്ധിതിയിടുന്നുണ്ട്. 2024-ല്‍ ഒരു പ്യുവര്‍-ഇലക്ട്രിക് റേഞ്ച് റോവറും അവതരിപ്പിക്കുമെന്ന് കമ്പനി വാര്‍ഷിക റിപ്പോര്‍ട്ടില്‍ പറഞ്ഞു.
2039 ഓടെ നെറ്റ് സീറോ കാര്‍ബണ്‍ ബിസിനസായി മാറാനുള്ള പദ്ധതികള്‍ ജാഗ്വാര്‍ ലാന്‍ഡ് റോവര്‍ (Jaguar Land Rover) നേരത്തെ തന്നെ പ്രഖ്യാപിച്ചിരുന്നു.''2025/26 സാമ്പത്തിക വര്‍ഷത്തോടെ, ഏകദേശം 27 ശതമാനം വില്‍പ്പനയും ഇലക്ട്രിക് വിഭാഗത്തില്‍നിന്നായിരിക്കുമെന്ന് ഞങ്ങള്‍ പ്രവചിക്കുന്നു, 2030 ഓടെ 60 ശതമാനത്തിന് മുകളില്‍ ഉയരും,'' കമ്പനി പറഞ്ഞു.
2025 മുതല്‍ ഒരു പ്യുവര്‍-ഇലക്ട്രിക് ആധുനിക ലക്ഷ്വറി ബ്രാന്‍ഡായി (Luxury Brand Car) ഉയര്‍ന്നുവരാനാണ് ജാഗ്വാര്‍ ലാന്‍ഡ് റോവറിന്റെ പദ്ധതി.
Next Story