രാജ്യത്തെ ജനപ്രിയ വാഹന നിര്മാതാക്കളായ മാരുതി സുസുകി (Maruti Suzuki) തങ്ങളുടെ മോഡലയാ എര്ട്ടിഗയുടെ വില വര്ധിപ്പിച്ചു. മള്ട്ടി പര്പ്പസ് വെഹിക്കിളിന്റെ വിലയില് 6,000 രൂപയുടെ വര്ധനവാണ് വാഹന നിര്മാതാക്കള് പ്രഖ്യാപിച്ചിരിക്കുന്നത്. എര്ട്ടിഗയുടെ എല്ലാ വകഭേദങ്ങളിലും വില വര്ധനവ് ബാധമാകും. ഈ മോഡലിന്റെ എല്ലാ വേരിയന്റുകളിലും ഇലക്ട്രോണിക് സ്റ്റെബിലിറ്റി പ്രോഗ്രാമും (ഇഎസ്പി) ഹില് ഹോള്ഡ് അസിസ്റ്റും നല്കുന്നതിനാലാണ് വില വര്ധനവ്. ഓട്ടോമാറ്റിക്, ടോപ്പ് എന്ഡ് മാനുവല് ട്രിമ്മുകളില് മാത്രമാണ് കമ്പനി നേരത്തെ ഈ ഫീച്ചറുകള് വാഗ്ദാനം ചെയ്തിരുന്നത്.
'എര്ട്ടിഗയുടെ എല്ലാ വേരിയന്റുകളിലും ഇപ്പോള് ഇഎസ്പി & ഹില് ഹോള്ഡ് അസിസ്റ്റ് സ്റ്റാന്ഡേര്ഡ് ഫീച്ചറുകളായി സജ്ജീകരിക്കും, മാരുതി സുസുകി റെഗുലേറ്ററി ഫയലിംഗില് പറഞ്ഞു. വില വര്ധിപ്പിച്ചതോടെ 8.41 ലക്ഷം രൂപയായിരിക്കും ഇനി ഈ മോഡലിന്റെ എക്സ്ഷോറൂം വില (ഡല്ഹി) യെന്നും മാരുതി സുസുകി പറഞ്ഞു.
5-സ്പീഡ് മാനുവല് ഗിയര്ബോക്സും 6-സ്പീഡ് ടോര്ക്ക് ഓട്ടോമാറ്റിക് കണ്വെര്ട്ടറുമായാണ് എര്ട്ടിഗയില് ഒരുക്കിയിരിക്കുന്നത്. യഥാക്രമം 20.51 കിലോമീറ്ററും 26.11 കിലോമീറ്ററും ഇന്ധനക്ഷമത വാഗ്ദാനം ചെയ്യുന്ന പെട്രോള്, സിഎന്ജി ഓപ്ഷനുകളില് ഇത് ലഭ്യമാണ്.
Read DhanamOnline in English
Subscribe to Dhanam Magazine
