ലാഭത്തില്‍ 48% കുറവ് രേഖപ്പെടുത്തി മാരുതി
വരുമാനം 23,253 കോടി രൂപയായി തുടരുന്നു.
ഇന്ത്യയിലെ ഏറ്റവും വലിയ ഓട്ടോമൊബൈല്‍ നിര്‍മ്മാതാക്കളായ മാരുതി സുസുക്കി ഇന്ത്യ ലിമിറ്റഡ് ജനുവരി 25 ന് നികുതി ഒഴിവാക്കിക്കൊണ്ടുള്ള ലാഭം (PAT) 2021 ഡിസംബറില്‍ അവസാനിച്ച മൂന്നാം പാദത്തില്‍ 1,042 കോടി രൂപ രേഖപ്പെടുത്തി. ഒരു വര്‍ഷം മുമ്പ് 1,997 കോടി രൂപയാണ് റിപ്പോര്‍ട്ട് ചെയ്തത്, അതായത് 48 ശതമാനം. കഴിഞ്ഞ പാദത്തില്‍ കമ്പനിയുടെ അറ്റാദായം 487 കോടി രൂപയാണ് രേഖപ്പെടുത്തിയിട്ടുള്ളത്.
'കംപോണന്റ്‌സ് ലഭ്യതയും വിലയും ഇപ്പോഴും പ്രവചനാതീതമാണെങ്കിലും, സപ്ലൈ സാഹചര്യങ്ങള്‍ ക്രമേണ മെച്ചപ്പെടുന്നുണ്ട്. നാലാം പാദത്തില്‍ ഉല്‍പ്പാദനം വര്‍ധിപ്പിക്കാന്‍ കഴിയുമെന്ന് പ്രതീക്ഷിക്കുന്നു, എന്നിരുന്നാലും അത് പൂര്‍ണശേഷിയില്‍ എത്തുമോ എന്നത് പറയാനാകില്ല. നിലിവിലെ സാഹചര്യങ്ങളിലും മാരുതി സുസുക്കി അതിന്റെ എക്കാലത്തെയും ഉയര്‍ന്ന കയറ്റുമതി നേടി. മൂന്നാം പാദത്തില്‍ 64,995 യൂണിറ്റാണ് എക്‌സ്‌പോര്‍ട്ട് രേഖപ്പെടുത്തിയത്. ഒരു വര്‍ഷം മുമ്പ് ഇത് 28,528 യൂണിറ്റായിരുന്നു. കമ്പനി ഫയലിംഗില്‍ പറയുന്നു.