തുടക്കത്തില്‍ തന്നെ പിഴച്ചു; സ്‌കോഡ കുശാഖ് മോഡലുകള്‍ തിരിച്ചുവിളിക്കുന്നു, കാരണമിതാണ്
മോഡല്‍ പുറത്തിറക്കി ചുരുങ്ങിയ ദിവസങ്ങള്‍ക്കും 10,000 ബുക്കിംഗുകളാണ് കുശാഖ് നേടിയത്
എസ്‌യുവി വിഭാഗത്തില്‍ കരുത്തറിയിക്കാന്‍ സ്‌കോഡ ഏറെ പ്രതീക്ഷയോടെ പുറത്തിറക്കിയ കുശാഖ് മോഡലുകള്‍ തിരിച്ചുവിളിക്കുന്നു. മോഡല്‍ വിപണിയിലെത്തിച്ച് മാസങ്ങള്‍ക്കകമാണ് സ്‌കോഡയുടെ ഈ തിരിച്ചുവിളിക്കല്‍. കുശാഖില്‍ ഇന്ധന പമ്പുമായി ബന്ധപ്പെട്ട തകരാറുകള്‍ കണ്ടെത്തിയതിനെ തുടര്‍ന്നാണ് ഈ മോഡല്‍ തിരിച്ചുവിളിക്കാന്‍ സ്‌കോഡയെ നിര്‍ബന്ധിതരാക്കിയത്. ഇത് കാരണം ഇലക്ട്രിക് പവര്‍ കണ്‍ട്രോളില്‍ (ഇപിസി) മുന്നറിയിപ്പ് ലൈറ്റിലെ തകരാറ്, എഞ്ചിന്‍ കട്ട് ഓഫ്, വൈദ്യുതി നഷ്ടപ്പെടല്‍ തുടങ്ങിയ പ്രശ്‌നങ്ങള്‍ ഉപഭോക്താക്കള്‍ അഭിമുഖീകരിക്കുന്നുണ്ട്. ഒരു മുന്‍കരുതലെന്നോളം ഈ പ്രശ്‌നങ്ങള്‍ ബാധിക്കാത്ത മോഡലുകളിലും 'കൂടുതല്‍ കരുത്തുറ്റ' ഇന്ധന പമ്പ് മാറ്റിസ്ഥാപിച്ച് തകരാറുകള്‍ പരിഹരിക്കുമെന്ന് വാഹന നിര്‍മാതാക്കള്‍ വ്യക്തമാക്കി.