ഉത്സവകാലം കെങ്കേമമാക്കാന്‍ ടാറ്റയുടെ 'പഞ്ച്' എത്തുന്നു

3840 മില്ലിമീറ്റര്‍ നീളവും 1822 മില്ലിമീറ്റര്‍ വീതിയിലും 1822മില്ലിമീറ്റര്‍ ഉയരത്തിലുമെത്തുന്ന പഞ്ച് ആള്‍ട്രോസിലുള്ള ആല്‍ഫാ പ്ലാറ്റ്‌ഫോമിലാണ് ഒരുക്കിയിട്ടുള്ളത്. ആള്‍ട്രോസിന് സമാനമായി 90 ഡിഗ്രിയില്‍ തുറക്കാവുന്ന ഡോറുകളും ഈ മോഡലിനുണ്ടാകും. അതേസമയം, നെക്‌സോണിനേക്കാള്‍ കുറഞ്ഞവിലയായിരിക്കും പഞ്ചിനുണ്ടായിരിക്കുക. അഞ്ച് ലക്ഷം രൂപ മുതലുള്ള വിലയിലായിരിക്കും മോഡല്‍ പുറത്തിറങ്ങുക എന്നും റിപ്പോര്‍ട്ടുകളുണ്ട്. എന്നിരുന്നാലും ഒക്ടോബര്‍ പകുതിയോടെ വില വിവരങ്ങള്‍ കമ്പനി പുറത്തുവിടും.

പെട്രോള്‍ എഞ്ചിനില്‍ മാത്രമായിരിക്കും പഞ്ച് ഉപഭോക്താക്കളിലെത്തുന്നത്. 1.2 ലിറ്റര്‍ 3 സിലിണ്ടര്‍ പെട്രോള്‍ എഞ്ചിന് 86 ബിഎച്ച്പി പവര്‍ ഉല്‍പ്പാദിപ്പിക്കും. അതേസമയം, ഈ മോഡലിന്റെ ഇലക്ട്രിക് വകഭേദവും ടാറ്റ പുറത്തിറക്കാന്‍ ലക്ഷ്യമിടുന്നുണ്ട്.