സാങ്കേതിക മികവുമായി ഫോക്സ്വാഗണ്‍ പോളോ ജിടിഐ ഫെയ്സ്ലിഫ്റ്റ്

മികച്ച സാങ്കേതികവിദ്യയോടെയും സ്റ്റൈലിംഗോടെയുമെത്തുന്ന ഫോക്സ്വാഗന്റെ പോളോ ജിടിഐ ഫെയ്സ്ലിഫ്റ്റിന്റെ ചിത്രം ജര്‍മന്‍ കാര്‍ നിര്‍മാതാക്കള്‍ പുറത്തിറക്കി. സോഷ്യല്‍ മീഡിയ പ്ലാറ്റ്ഫോമിലാണ് പുതിയ പോളോ ജിടിഐ ഫെയ്സ്ലിഫ്റ്റിന്റെ ചിത്രങ്ങള്‍ പങ്കുവെച്ചത്. 4.05 മീറ്റര്‍ നീളത്തിലും 1.75 മീറ്റര്‍ വീതിയിലും 1.45 മീറ്റര്‍ ഉയരത്തിലുമാണ് പുതിയ പോളോ ജിടിഐ ഫെയ്സ്ലിഫ്റ്റ് എത്തുക. പുനര്‍ രൂപകല്‍പ്പന ചെയ്ത ഹെഡ്ലാമ്പുകളും വിശാലമായ ടെയ്ല്‍ ലാമ്പുകളും പുതിയ പോളോ ജിടിഐയെ ആകര്‍ഷണീയമാക്കുന്നു. സ്റ്റാന്‍ഡേര്‍ഡ് 17 ഇഞ്ച് അലോയ് വീലുകള്‍ പുതിയ ഡിസൈനില്‍ ലഭ്യമാണ്. പോളോ ജിടിഐക്ക് ആദ്യമായി ഡൈനാമിക് ടേണ്‍ സിഗ്നലുകളും ലഭിക്കുന്നത് ഈ മോഡലിലായിരിക്കും. ഇക്കോ, നോര്‍മല്‍, സ്‌പോര്‍ട്ട് എന്നീ മൂന്ന് ഡ്രൈവിംഗ് മോഡുകളുമായാണ് പുതിയ ജിടിഐ എത്തുന്നത്.