നിക്ഷേപം മുഴുവന്‍ ₹2,000ത്തിലോ? ആദായ നികുതി വകുപ്പ് പിന്നാലെയുണ്ട്
ബാങ്കുകള്‍ വഴി 2,000 രൂപ നോട്ടുകള്‍ നിക്ഷേപിക്കുന്നതിന് നിലവില്‍ പരിധിയില്ല
Image : Canva
രണ്ടായിരം രൂപയുടെ നോട്ട് മാറ്റിയെടുക്കാന്‍ വന്‍ തുകകള്‍ ബാങ്കില്‍ നിക്ഷേപം നടത്തുന്നവര്‍ സൂക്ഷിക്കുക, നികുതി വകുപ്പ് നിങ്ങള്‍ക്ക് പിന്നാലെയുണ്ട്. നിശ്ചിത പരിധിക്കു മുകളിലുള്ള എല്ലാ ഇടപാടുകളും ബാങ്കുകള്‍ ആദായ വകുപ്പിനെ അറിയിക്കണമെന്ന നിയമം നേരത്തെയുള്ളതാണ്. കള്ളപ്പണം തടയാനാണ് ആദായ നികുതി വകുപ്പ് ഇത്തരമൊരു നിര്‍ദേശം ബാങ്കുകള്‍ക്ക് നല്‍കിയിരുന്നത്.
വിവധ ആവശ്യങ്ങള്‍ കണക്കിലെടുത്ത് മിക്കവരും കൈയില്‍ കൂടുതല്‍ പണം കരുതാറുണ്ട്. പ്രത്യേകിച്ചും ഉയര്‍ന്ന തുകകളിലുള്ള നോട്ടുകളാകും ഇത്തരത്തില്‍ സൂക്ഷിക്കുക. പൊതു വിനിമയത്തില്‍ നിന്ന് 2,000 നോട്ട് പിന്‍വലിച്ചതോടെ കൈയിലുള്ള നോട്ടുകള്‍ വേഗം മാറിയെടുക്കാന്‍ പലരും കൂടുതല്‍ തുകകള്‍ നിക്ഷേപിക്കുന്നുണ്ട്. ആദായ നികുതി വകുപ്പിന് നല്‍കിയിരിക്കുന്ന വരുമാന പരിധിയില്‍ കൂടുതല്‍ നിക്ഷേപം നടത്തുന്നവര്‍ക്കെതിരെ അന്വേഷണമുണ്ടാകും.