Begin typing your search above and press return to search.
ഫെഡറൽ ബാങ്കിന് ജൂൺ പാദത്തിൽ വായ്പാ, നിക്ഷേപങ്ങളില്‍ മികച്ച വളർച്ച
നാലാം പാദത്തിൽ റെക്കോഡ് അറ്റാദായം നേടിയിരുന്നു, ഓഹരിയിൽ നേരിയ വളർച്ച
പ്രമുഖ സ്വകാര്യ ബാങ്കായ ഫെഡറല്‍ ബാങ്ക് 2023-24 ജൂണ്‍ പാദത്തില്‍ നിക്ഷേപങ്ങളിലും വായ്പകളിലും 21% വാര്‍ഷിക വളര്‍ച്ച രേഖപ്പെടുത്തി. സ്‌റ്റോക്ക് എക്‌സ്‌ചേഞ്ചിനു നല്‍കിയ റിപ്പോര്‍ട്ട് പുറത്തു വന്നതോടെ ജൂണ്‍ അവസാന വാരം 121 രൂപയിലേക്ക് താഴ്ന്ന ഓഹരി വില 127 രൂപയായി ഉയര്‍ന്നു.
ജൂണ്‍ 30 ന് അവസാനിച്ച പാദത്തിൽ ബാങ്കിന്റെ മൊത്തം ഡിപ്പോസിറ്റ് 21% വര്‍ധിച്ച് 2,22,513 കോടി രൂപയായി. മൊത്തം വിതരണം ചെയ്ത് വായ്പ 21% വര്‍ധിച്ച് 1,86,593 കോടി രൂപയായി. കറന്റ് , സേവിങ്‌സ് അക്കൗണ്ട് ഡിപ്പോസിറ്റുകള്‍ 5% വര്‍ധിച്ച് 70,872 കോടി രൂപയായി.
2022-23 മാര്‍ച്ച് പാദത്തില്‍ അറ്റാദായവും ഓഹരിയില്‍ നിന്നുള്ള ആദായവും റെക്കോര്‍ഡ് തലത്തില്‍ എത്തിയിരുന്നു. അറ്റാദായം 66.98% വര്‍ധിച്ച് 902.61 കോടി രൂപയായി. അറ്റ പലിശ മാര്‍ജിന്‍ 25.18% വര്‍ധിച്ച് 1,909.29 കോടി രൂപയായിരുന്നു.
2022-23 ല്‍ മികച്ച സാമ്പത്തിക വളര്‍ച്ച കൈവരിച്ചതിനെ തുടര്‍ന്ന് പ്രമുഖ ബ്രോക്കിങ് സ്ഥാപനങ്ങള്‍ ഓഹരി വാങ്ങാനുള്ള നിര്‍ദേശമാണ് നല്‍കിയിരിക്കുന്നത്. കഴിഞ്ഞ ഒരു വര്‍ഷത്തിനിടെ ബാങ്കിന്റെ ഓഹരി വില 35 ശതമാനം ഉയര്‍ന്നെങ്കിലും ഈ വര്‍ഷം ഇതുവരെയുള്ള കാലയളവില്‍ 8% താഴേക്കു പോയിട്ടുണ്ട്.
Next Story
Videos