ഒരു ദിവസത്തില് അധിക ചാര്ജുകള് ഇല്ലാതെ നടത്താവുന്ന ഓണ്ലൈന് പണമിടപാട് പരിധി ഉയര്ത്തി സ്റ്റേറ്റ് ബാങ്ക് ഓഫ് ഇന്ത്യ(എസ്ബിഐ). ഇന്റര്നെറ്റ് ബാങ്കിംഗ് മൊബൈല് ബാങ്കിംഗ്, യുപിഐ, യോനോ ആപ് എന്നിവ വഴി 5 ലക്ഷം രൂപ വരെ ഐഎംപിഎസ് രീതിയില് തല്ക്ഷണകൈമാറ്റം നടത്താന് ഫെബ്രുവരി 1 മുതല് സര്വീസ് ചാര്ജൊന്നും ഈടാക്കില്ലെന്ന് സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) അറിയിച്ചു.
നിലവില് 2 ലക്ഷം രൂപ വരെയാണ് പരമാവധി പരിധി. എന്ഇഎഫ്ടി, ആര്ടിജിഎസ് പണം കൈമാറ്റത്തിനും ഡിജിറ്റല് മാര്ഗങ്ങള് ഉപയോഗിച്ചാല് എസ്ബിഐ സര്വീസ് ചാര്ജ് ഈടാക്കുകയുമില്ല. എന്നാല് ഈ ഇടപാടുകള് ബാങ്ക് ശാഖകളില്ചെന്നു നടത്തിയാല് സര്വീസ് ചാര്ജും അതിന്മേല് നികുതിയും (ജിഎസ്ടി) ഈടാക്കും.
1000 രൂപ വരെയുള്ള തുക ബാങ്ക് ശാഖ വഴിയും ഐഎംപിഎസ് വഴി ഫീസില്ലാതെ കൈമാറാം. അതിനുമേല് 2 ലക്ഷം വരെ കൈമാറ്റത്തിന് വിവിധ സ്ലാബുകളിലായി 2 രൂപ മുതല് 12 രൂപ ഫീസും ഫീസിന്റെ 18% ജിഎസ്ടിയും ഈടാക്കും. ഫെബ്രുവരി ഒന്നുമുതല് ഇത് അഞ്ച് ലക്ഷം എന്ന പരിധി ആകും. ഇതിന് 20 രൂപ ഫീസും ജിഎസ്ടിയും ഈടാക്കും.
Read DhanamOnline in English
Subscribe to Dhanam Magazine
