നിരക്കുയര്‍ത്തല്‍ തുടരുമ്പോള്‍ നിലവില്‍ ഏത് ബാങ്കുകളാണ് ഭവനവായ്പയ്ക്ക് കുറഞ്ഞ പലിശ നല്‍കുന്നത് ?

റീപോ ലിങ്ക്ഡ് ഭവനവായ്പകള്‍ക്കെല്ലാം നിരക്കുയര്‍ത്തലിന്റെ സമയമാണ്. പണപ്പെരുപ്പത്തെ ചെറുക്കാന്‍ റിസര്‍വ് ബാങ്ക് റീപോ നിരക്കുയര്‍ത്തിയപ്പോള്‍ പിന്നാലെ ബാങ്കുകള്‍ റീപോയുമായി ബന്ധിപ്പിച്ച നിക്ഷേപ പലിശനിരക്കും വായ്പാ നിരക്കുകളും ഉയര്‍ത്തിയിരിക്കുകയാണ്.

രാജ്യത്തെ ഏറ്റവും വലിയ ബാങ്ക് ആയ SBI ഉൾപ്പെടെയുള്ള ബാങ്കുകൾ വായ്പാ പലിശ വർധിപ്പിച്ചിരിക്കുകയാണ്. ഏറ്റവുമധികം ബാധ്യതയാകുന്നത് ഭാവനവായ്പക്കാർക്കാണ്. എന്നാൽ നിരക്കുയർത്തുമ്പോൾ താരതമ്യം ചെയ്തു വായ്പ തെരഞ്ഞെടുക്കാനും കുറഞ്ഞ വായ്‌പാ നിരക്കിലേക്ക് മാറ്റാനും ഉപഭോക്താക്കൾ ശ്രദ്ധിക്കണം. ഇതാ നിലവിൽ ഭവന വായ്പാ പലിശ നിരക്കുകൾ എങ്ങനെയെന്ന് പരിശോധിക്കാം.

ഐസിഐസിഐ 8.60%
ഐസിഐസിഐ 8.60 ശതമാനം നിരക്കിലാണ് വായ്പാ പലിശ നിരക്ക് ക്രമപ്പെടുത്തിയിട്ടുള്ളത്. ഐസിഐസിഐ ബാങ്കിന്റെ നിരക്കുകളാണ് നിലവില്‍ പ്രമുഖ ബാങ്കുകളില്‍ ഉയര്‍ന്നതായി പരിഗണിക്കപ്പെടുന്നത്.
എച്ച്ഡിഎഫ്‌സി 7.55%
50 ബേസിസ് പോയ്ന്റ് വരെയാണ് എച്ച്ഡിഎഫ്‌സി ബാങ്ക് വായ്പാ പലിശ നിരക്ക് ഉയര്‍ത്തിയിട്ടുള്ളത്. ജൂണ്‍ 10 മുതല്‍ നിലവിലെ ഭവനവായ്പകള്‍ക്കും പുതിയ വായ്പകള്‍ക്കും 7.55 ശതമാനം മുതലാകും ഭവനവായ്പാ പലിശകള്‍ ലഭ്യമാകുക എന്നാണ് ബാങ്കിന്റെ അറിയിപ്പ്.
എസ്ബിഐ 7.55 %
എസ്ബിഐ ഭവനവായ്പാ പലിശ നിരക്കുകള്‍ ഇക്കഴിഞ്ഞ ദിവസമാണ് ഉയര്‍ത്തിയത്. റിസ്‌ക് അുസരിച്ചാണ് വായ്പാ പരിധിയും പലിശ നിരക്കും ഉറപ്പിക്കുന്നത്.
ഏറ്റവും കുറഞ്ഞ ഭവനവായ്പാ പലിശ നിരക്കുകള്‍ ഇപ്പോള്‍ 7.55 ശതമാനമാക്കിയാണ് ഉയര്‍ത്തിയിട്ടുള്ളത്. 800 പോയ്ന്റിന് മുകളില്‍ ക്രെഡിറ്റ് സ്‌കോര്‍ ഉള്ളവര്‍ക്കാണ് ഈ നിരക്ക്.

ക്രെഡിറ്റ് സ്‌കോര്‍ കുറയുന്നതിനനുസരിച്ച് വായ്പാ പലിശ നിരക്കും ഉയരും. എക്‌സ്റ്റേണല്‍ ബെഞ്ച്മാര്‍ക്ക് അഥവാ ഇബിഎല്‍ആര്‍ External Benchmark-based Lending Rate (EBLR) നിരക്കുകള്‍ 7.55 ശതമാനമാക്കിയതായാണ് ബാങ്കിന്റെ ഔദ്യോഗിക അറിയിപ്പ്. എംസിഎല്‍ആര്‍ അഥവാ Marginal Cost of fund based Lending Rates (MCLR) 0.20 ശതമാനം വര്‍ധിപ്പിച്ചിട്ടുമുണ്ട്.

പുതുതായി ഭവന വായ്പ എടുക്കുമ്പോള്‍ 750നും 799-നും ഇടയിലുള്ള ക്രെഡിറ്റ് സ്‌കോറുകാര്‍ക്ക് പലിശ നിരക്ക് 7.65 ശതമാനമായിരിക്കും, ഇവിടെ റിസ്‌ക് പ്രീമിയം 10 ബേസിസ് പോയിന്റാണ്. വനിതാ വായ്പക്കാര്‍ക്ക് ഈ വായ്പകളില്‍ 0.05% കിഴിവ് ലഭിക്കും.

പിഎന്‍ബി 7.40%

പഞ്ചാബ് നാഷണല്‍ ബാങ്ക് ഈയടുത്ത ദിവസം വായ്പാ പലിശ നിരക്ക് വര്‍ധിപ്പിച്ചിരുന്നു. 6.90 യില്‍ നിന്ന് 7.90 ആയിട്ടാണ് പലിശ നിരക്കിന്റെ ബേസ് പോയിന്റ് ഉയര്‍ത്തിയത്. 7.90 വരെയാണ് സാധാരണക്കാര്‍ക്ക് ഈ ബാങ്ക് ഭവന വായ്പ നല്‍കുക(നിരക്കുകള്‍ സ്‌കോര്‍ അനുസരിച്ചും റിസ്‌ക് നോക്കിയും മാറാം).

റിസ്‌ക് കൂടിയ വിഭാഗത്തിന് ഉയര്‍ന്ന പലിശയിലും ബാങ്ക് വായ്പകള്‍ നല്‍കുന്നുണ്ട്. നിലവിലുള്ളതും പുതിയതുമായ ഉപഭോക്താക്കള്‍ക്ക് RLLR 6.90% ല്‍ നിന്ന് 7.40% ആയി മാറ്റി റീപോ നിരക്ക് (4.90%) + മാര്‍ക്ക്-അപ്പ് (2.50%)} w.e.f.09-06-2022 എന്നാണ് വെബ്‌സൈറ്റിലെ വിവരം. ആര്‍എല്‍എല്‍ആര്‍ ബിഎസ്പിയ്ക്കൊപ്പം 25 ബിപിഎസ് ചാര്‍ജ് ചെയ്യും.

കനറാ ബാങ്ക് 7.10 %
നിലവില്‍ കനറാ ബാങ്ക് ആണ് മികച്ച സിബില്‍ സ്‌കോര്‍ ഉള്ളവര്‍ക്ക് കുറഞ്ഞ നിരക്കില്‍ ഭവന വായ്പ നല്‍കുന്നത്. വനിതകള്‍ക്ക് 7.10 ശതമാനം വരെ കുറവാണ് പലിശ നിരക്കിലുള്ളത്. എന്നിരുന്നാലും 7.40, 7.80, 9.30 ശതമാനം എന്നിങ്ങനെ പല ഉയര്‍ന്ന നിരക്കുകളിലും വായ്പകള്‍ നല്‍കുന്നുണ്ട്. വായ്പാ പരിധി നിശ്ചയിക്കുന്നതും പലിശ നിരക്കുകള്‍ വ്യത്യസ്തമാകുന്നതും വരുമാനം, റിസ്‌ക്, സിബില്‍ സ്‌കോര്‍ എന്നിവ അനുസരിച്ചാണ്.
ഭവനവായ്പാ പലിശ നിരക്കുകള്‍ റീപോ നിരക്കുമായി ബന്ധിപ്പിച്ചവയാകുമ്പോള്‍ ചാഞ്ചാട്ടത്തിലായിരിക്കുമെന്നതിനാല്‍ ഉപഭോക്താക്കളുടെ സൗകര്യം അനുസരിച്ച് വായ്പകള്‍ കുറഞ്ഞ നിരക്കുള്ള ബാങ്കിലേക്ക്് മാറ്റാനാകുന്നതാണ്.
റിപ്പോര്‍ട്ടുകളെയും ബാങ്ക് ഔദ്യോഗിക വെബ്‌സൈറ്റിലെ വിവരങ്ങളെയും അടിസ്ഥാനപ്പെടുത്തി തയ്യാറാക്കിയത്.


Rakhi Parvathy
Rakhi Parvathy  

Assistant Editor - Special Projects

Related Articles

Next Story
Share it