കേരള സ്റ്റാര്‍ട്ടപ്പ് ബിയോണ്ട് സ്‌നാക്കിന് ₹70 കോടിയുടെ ഫണ്ടിംഗ്, കൂടുതല്‍ വിപണികളിലേക്ക് കടക്കാന്‍ ഒരുക്കം
നിലവിലെ നിക്ഷേപകരായ നാബ് വെഞ്ച്വേഴ്‌സ് സ്റ്റാര്‍ട്ടപ്പിലെ ഓഹരി പങ്കാളിത്തം കൂട്ടി
Manas Madhu, Image Courtesy: Dhanam Business Media
കേരളത്തിന്റെ സ്വന്തം കായവറുത്തതിനെ പുതിയ ബ്രാന്‍ഡാക്കി അവതരിപ്പിച്ച് ശ്രദ്ധ നേടിയ സ്റ്റാര്‍ട്ടപ്പ് കമ്പനിയായ ബിയോണ്ട് സ്‌നാക്ക്‌ 8.3 മില്യണ്‍ ഡോളറിന്റെ (ഏകദേശം 70 കോടി രൂപ) ഫണ്ടിംഗ് നേടി. റെക്കിറ്റ് ബെങ്കൈസറിന്റെ (Reckitt Benckiser) മുന്‍ ഗ്ലോബല്‍ സി.ഇ.ഒ രാകേഷ് കപൂര്‍ സ്ഥാപിച്ച 12 ഫ്‌ളാഗ്‌സ് ഗ്രൂപ്പിന്റെ നേതൃത്വത്തില്‍ നടന്ന സീരീസ് എ ഫണ്ടിംഗിലാണ് ബിയോണ്ട് സ്‌നാക്ക്‌ ഫണ്ടിംഗ് കരസ്ഥമാക്കിയത്. നിലവിലെ നിക്ഷേപകരായ നാബ് വെഞ്ച്വേഴ്‌സും ഫണ്ടിംഗില്‍ പങ്കെടുത്ത് സ്റ്റാര്‍ട്ടപ്പിലെ ഓഹരി പങ്കാളിത്തം ഉയര്‍ത്തി. ജാപ്പനീസ് വെഞ്ച്വര്‍ ക്യാപിറ്റല്‍ സ്ഥാപനമായ എന്റിഷന്‍ ഇന്ത്യ ക്യാപിറ്റല്‍, ഫാഡ് നെറ്റ്‌വര്‍ക്ക് ഉള്‍പ്പെടെയുള്ള നിലവിലുള്ള മറ്റ് നിക്ഷേപകർ എന്നിവരും ഫണ്ടിംഗ് റൗണ്ടില്‍ പങ്കെടുത്തു.
2023ലെ ധനം റീറ്റെയ്ല്‍ സ്റ്റാര്‍ട്ടപ്പ് ഓഫ് ദി ഇയര്‍-2023 പുരസ്‌കാരവും മാനസ് മധു നേടിയിരുന്നു.
വിപുലീകരണത്തിന്