സംസ്ഥാനത്ത് സ്വര്ണ വിലയില് ആശ്വാസം. ഗ്രാമിന് 100 കുറഞ്ഞ് 7,890 രൂപയായി, പവന് വില ഒറ്റയടിക്ക് 800 രൂപ കുറഞ്ഞ് 63,120 രൂപയുമായി. രണ്ട് ദിവസത്തെ മുന്നേറ്റത്തിനാണ് ഇന്ന് വിരാമമിട്ടത്. കേരളത്തില് കഴിഞ്ഞ 11ന് രേഖപ്പെടുത്തിയ റെക്കോഡ് വിലയായ 64,480 രൂപയില് നിന്ന് 1,360 രൂപയോളം കുറവാണ് ഇന്ന് വില.
ലൈറ്റ് വെയിറ്റ് ആഭരണങ്ങള് നിര്മിക്കാനുപയോഗിക്കുന്ന 18 കാരറ്റ് സ്വര്ണ വില ഇന്ന് ഗ്രാമിന് 90 രൂപ കുറഞ്ഞ് 63,120 രൂപയിലെത്തി.
വെള്ളി വിലയ്ക്ക് ഇന്ന് മാറ്റമില്ല. ഗ്രാമിന് 107 രൂപയില് തുടരുന്നു.
വ്യപാരികള് ഉയര്ന്ന വിലയില് ലാഭമെടുപ്പ് നടത്തിയതോടെ രാജ്യന്തര സ്വര്ണ വില ഇന്നലെ ഔണ്സിന് 2,900 ഡോളറിന് താഴെ എത്തിയിരുന്നു. ഇതാണ് കേരളത്തിലും വിലയില് ഇടിവുണ്ടാക്കിയത്.
ഇന്ന് ഒരു പവന് സ്വര്ണത്തിന്റെ വില 63,120 രൂപയാണെങ്കിലും മനസിനിണങ്ങിയ സ്വര്ണാഭരണം വാങ്ങാന് കൂടുതല് പണം കൊടുക്കേണ്ടി വരും. ഇന്നത്തെ വിലക്കൊപ്പം ഏറ്റവും കുറഞ്ഞത് അഞ്ച് ശതമാനം പണിക്കൂലി, സ്വര്ണത്തിനും പണിക്കൂലിക്കും മൂന്ന് ശതമാനം നികുതി, 45 രൂപ ഹാള്മാര്ക്ക് ചാര്ജ്, അതിന് 18 ശതമാനം നികുതി എന്നിവയും ചേര്ത്ത് 68,317 രൂപയാകും. എന്നാല് ആഭരണങ്ങളുടെ ഡിസൈന് അനുസരിച്ച് പണിക്കൂലിയിലും വ്യത്യാസമുണ്ടാകുമെന്ന് മറക്കരുത്. ഇത് സ്വര്ണവിലയിലും പ്രതിഫലിക്കും.
Read DhanamOnline in English
Subscribe to Dhanam Magazine
