വെടി പൊട്ടില്ലെന്നായപ്പോള്‍ സ്വര്‍ണം ദേ, താഴെ! കേരളത്തില്‍ പവന് വന്‍ വിലത്താഴ്ച
രണ്ട് ദിനം കൊണ്ട് 1,760 രൂപ കുറഞ്ഞു, അന്താരാഷ്ട്ര വിലയില്‍ 2020 നവംബറിന് ശേഷമുള്ള ഏറ്റവും വലിയ ഒറ്റത്തവണ ഇടിവ്
Image by Canva
സംസ്ഥാനത്ത് സ്വര്‍ണ വില രണ്ട് ദിവസം കൊണ്ട് പവന് 1,760 രൂപ കുറഞ്ഞു. ഇന്ന് ഗ്രാമിന് 120 രൂപ കുറഞ്ഞ് 7,080 രൂപയും പവന് 960 രൂപകുറഞ്ഞ് 56,640 രൂപയുമായി. കഴിഞ്ഞയാഴ്ച മുഴവന്‍ മുന്നേറ്റം കാണിച്ച സ്വര്‍ണ വില തുടര്‍ച്ചയായ രണ്ടാം ദിനമാണ് താഴുന്നത്. ഇന്നലെ പവന് 800 രൂപ കുറഞ്ഞിരുന്നു.
വില ഇടിയാൻ കാരണം
ഇന്ന് ഒരു പവന് ആഭരണത്തിന് വില ഇങ്ങനെ
സ്വര്‍ണ വിലയിലെ കുറവ് വിവാഹ പര്‍ച്ചേസുകാര്‍ക്കും മറ്റും നേട്ടമാണ്. കുറഞ്ഞ വിലയില്‍ സ്വര്‍ണം ബുക്ക് ചെയ്യാനാഗ്രഹിക്കുന്നവര്‍ക്കും ഈ അവസരം പ്രയോജനപ്പെടുത്താം. ഇന്ന് ഒരു പവന്റെ വില 56,640 രൂപയാണെങ്കിലും ഒരു പവന് ആഭരണം വാങ്ങാന്‍ ഈ തുക പോര. ഇന്നത്തെ സ്വര്‍ണ വിലയ്‌ക്കൊപ്പം ഹോള്‍മാര്‍ക്കിംഗ് ചാര്‍ജും നികുതികളും കൂടാതെ ഏറ്റവും കുറഞ്ഞത് 5 ശതമാനം പണിക്കൂലിയും ചേര്‍ത്താല്‍ 61,309 രൂപയുണ്ടെങ്കിലെ ആഭരണം വാങ്ങാനാകു. ആഭരണങ്ങള്‍ക്കനുസരിച്ച് പണിക്കൂലി വ്യത്യാസം വരും. ഇത് വിലയിലും പ്രതിഫലിക്കും.