പ്രമുഖ ബാങ്കിതര സാമ്പത്തിക സ്ഥാപനമായ ജെ.എം.ജെ ഫിന്ടെക് ലിമിറ്റഡ് നടപ്പു സാമ്പത്തിക വര്ഷത്തെ രണ്ടാം പാദമായ ജൂലൈ-സെപ്റ്റംബര് കാലയളവില് 2.97 കോടി രൂപയുടെ ലാഭം രേഖപ്പെടുത്തി. നടപ്പു സാമ്പത്തിക വര്ഷത്തെ ആദ്യപാദ ലാഭത്തില് നിന്ന് 159.61 ശതമാനവും മുന് സാമ്പത്തിക വര്ഷത്തെ സമാനപാദത്തില് നിന്ന് 77.97 ശതമാനവും വളര്ച്ച കൈവരിച്ചു.
അര്ദ്ധ വാര്ഷിക ലാഭം കഴിഞ്ഞ സാമ്പത്തിക വര്ഷത്തെ 3.49 കോടി രൂപയില് നിന്ന് 4.12 കോടി രൂപയായി ഉയര്ന്നു. ലാഭവിഹിതത്തില് 17.85 ശതമാനം വര്ധനയാണ് നേടിയത്.
രണ്ടാം പാദത്തില് വരുമാനം 6.31 കോടി രൂപയായി. ആദ്യ പാദത്തില് നിന്ന് 24.32 ശതമാനവും കഴിഞ്ഞ സാമ്പത്തിക വര്ഷത്തെ സമാനപാദത്തില് നിന്ന് 68.16 ശതമാനവുമാണ് വളര്ച്ച. അര്ദ്ധവാര്ഷിക വരുമാനം കഴിഞ്ഞ സാമ്പത്തിക വര്ഷത്തെ 7.45 കോടി രൂപയില് നിന്ന് 11.39 കോടി രൂപയായി ഉയര്ന്നു. 52.97 ശതമാനം വളര്ച്ചയുണ്ട്.
കൈകാര്യം ചെയ്യുന്ന മൊത്തം വായ്പ ആസ്തികള് നടപ്പു സാമ്പത്തിക വര്ഷത്തെ രണ്ടാം പാദത്തില് 42.26 കോടി രൂപ ആയി. മുന് സാമ്പത്തിക വര്ഷത്തെ സമാനപാദത്തില് നിന്ന് 64.42 ശതമാനം വളര്ച്ച കൈവരിച്ചു.
തുടര്ച്ചയായി മികച്ച സാമ്പത്തിക ഫലം നല്കുവാന് കമ്പനിക്ക് സാധിക്കുന്നതും കമ്പനിയിലുള്ള ഇന്വെസ്റ്റേഴ്സിന്റെ വിശ്വസ്തതയും ഭാവി പ്രവര്ത്തനങ്ങള്ക്ക് കൂടുതല് ഊര്ജം നല്കുന്നതായി മാനേജിംഗ് ഡയറക്ടര് ജോജു മഠത്തുംപടി ജോണി പറഞ്ഞു.
Read DhanamOnline in English
Subscribe to Dhanam Magazine
