സംസ്ഥാനത്ത് സ്വർണ വിലയിൽ ഇന്ന് ഇടിവ്. ഗ്രാമിന് 60 രൂപ കുറഞ്ഞ് 14,130 രൂപയും പവന് 480 രൂപ കുറഞ്ഞ് 1,13,040 രൂപയുമായി. വെളളിയാഴ്ച പവന് 1,360 രൂപയുടെ കുറവ് രേഖപ്പെടുത്തിയിരുന്നു. 18 കാരറ്റ് സ്വർണത്തിന് ഗ്രാമിന് 45 രൂപ കുറഞ്ഞ് 11,610 രൂപയും 14 കാരറ്റിന് ഗ്രാമിന് 40 രൂപ കുറഞ്ഞ് 9,040 രൂപയിലുമെത്തി. 9 കാരറ്റ് സ്വർണത്തിന്റെ ഒരു ഗ്രാമിന് 25 രൂപ കുറഞ്ഞ് 5,830 രൂപയിലെത്തി. വെളളി വില ഗ്രാമിന് 250 രൂപയിലാണ് വ്യാപാരം പുരോഗമിക്കുന്നത്.
അന്താരാഷ്ട്ര വിപണിയില് സ്വര്ണവില ഔണ്സിന് 4,400 ഡോളറിന് അടുത്ത് വ്യാപാരം തുടരുന്നു. അമേരിക്കയിലെ തൊഴില് കണക്കുകള് പ്രതീക്ഷിച്ചതിലും ശക്തമായതിനെത്തുടര്ന്ന്, യു.എസ്. ഫെഡറല് റിസര്വ് പലിശനിരക്കുകള് വീണ്ടും ഉയര്ത്തിയേക്കുമെന്ന സൂചനകളാണ് സ്വര്ണവിലയിലെ ചെറിയ ഇടിവിന് കാരണം. ഡോളറിന്റെ മൂല്യം കരുത്താര്ജിച്ചതും കടപ്പത്രങ്ങളുടെ ആദായം ഉയര്ന്നതും നിക്ഷേപകരെ സ്വര്ണത്തില് നിന്ന് താല്ക്കാലികമായി മാറ്റിച്ചിന്തിപ്പിച്ചു.
എന്നിരുന്നാലും, ആഗോളതലത്തിലെ ഭൗമരാഷ്ട്രീയ സംഘര്ഷങ്ങളും പണപ്പെരുപ്പ ആശങ്കകളും സ്വര്ണത്തിന്റെ സുരക്ഷിത നിക്ഷേപ പദവി നിലനിര്ത്തുന്നു. വരും ദിവസങ്ങളിലെ പലിശനിരക്ക് സംബന്ധിച്ച ഫെഡ് തീരുമാനങ്ങളാകും അന്താരാഷ്ട്ര സ്വര്ണവിലയുടെ അടുത്ത നീക്കങ്ങളെ പ്രധാനമായും സ്വാധീനിക്കുക.
ഇന്നത്തെ വിലക്കൊപ്പം ഏറ്റവും കുറഞ്ഞത് അഞ്ച് ശതമാനം പണിക്കൂലി, സ്വര്ണത്തിനും പണിക്കൂലിക്കും മൂന്ന് ശതമാനം നികുതി, 45 രൂപ ഹാള്മാര്ക്ക് ചാര്ജ്, അതിന് 18 ശതമാനം നികുതി എന്നിവയും ചേര്ത്ത് ഒരുപവന് സ്വര്ണാഭരണത്തിന് 1,22,419 രൂപയാകും. എന്നാല് ആഭരണങ്ങളുടെ ഡിസൈന് അനുസരിച്ച് പണിക്കൂലിയിലും വ്യത്യാസമുണ്ടാകുമെന്നതിനാല്, ഇത് സ്വര്ണവിലയിലും പ്രതിഫലിക്കും.
Read DhanamOnline in English
Subscribe to Dhanam Magazine
