സ്വര്ണ വിലയില് ഇന്ന് വീണ്ടും വര്ധന. ഗ്രാം വില 20 രൂപ കൂടി 11,410 രൂപയും പവന് വില 160 രൂപ കൂടി 91,280 രൂപയുമായി. ലൈറ്റ്വെയിറ്റ് ആഭരണങ്ങള് നിര്മിക്കാനുപയോഗിക്കുന്ന 18 കാരറ്റ് സ്വര്ണ വിലയും ഗ്രാമിന് 15 രൂപ കൂടി 9,385 രൂപയിലെത്തി. 14 കാരറ്റിന് ഗ്രാമിന് 7,310 രൂപയും ഒമ്പത് കാരറ്റിന് 4,720 രൂപയുമാണ് ഇന്നത്തെ വില. വെള്ളി വില 161 രൂപയിലാണ് വ്യാപാരം പുരോഗമിക്കുന്നത്.
ആഗോള വിപണിയിൽ ഇന്ന് സ്വർണ വിലയിൽ നേരിയ ചാഞ്ചാട്ടം ദൃശ്യമാണ്. നിലവിൽ ഒരു ട്രോയ് ഔൺസ് സ്വർണ്ണത്തിന് ഏകദേശം 4,050 ഡോളറിനും 4,070 ഡോളറിനും ഇടയിലാണ് വ്യാപാരം നടക്കുന്നത്.
യുഎസ് ഫെഡറൽ റിസർവ് പലിശ നിരക്കുകളിൽ ഉടൻ കുറവ് വരുത്താൻ സാധ്യതയില്ലെന്ന സൂചനകൾ സ്വർണ വിലയെ സമ്മർദ്ദത്തിലാക്കുന്നു. ഡോളർ കരുത്താർജ്ജിച്ചതും വിലയിടിവിന് കാരണമായി. എങ്കിലും, അന്താരാഷ്ട്രതലത്തിലെ രാഷ്ട്രീയ-സാമ്പത്തിക അനിശ്ചിതത്വങ്ങൾ കാരണം സ്വർണ്ണത്തിനുള്ള 'സുരക്ഷിത നിക്ഷേപം' എന്ന ആവശ്യം വിപണിക്ക് ഇപ്പോഴും ശക്തമായ അടിത്തറ നൽകുന്നുണ്ട്. ഫെഡിന്റെ അടുത്ത നീക്കങ്ങൾ സംബന്ധിച്ച കൂടുതൽ സൂചനകൾക്കായി നിക്ഷേപകർ ശ്രദ്ധയോടെ കാത്തിരിക്കുകയാണ്.
ഇന്ന് ഒരു പവന് സ്വര്ണത്തിന്റെ വില 91,280 രൂപയാണെങ്കിലും മനസിനിണങ്ങിയ സ്വര്ണാഭരണം വാങ്ങാന് കൂടുതല് പണം കൊടുക്കേണ്ടി വരും. ഇന്നത്തെ വിലക്കൊപ്പം ഏറ്റവും കുറഞ്ഞത് അഞ്ച് ശതമാനം പണിക്കൂലി, സ്വര്ണത്തിനും പണിക്കൂലിക്കും മൂന്ന് ശതമാനം നികുതി, 45 രൂപ ഹാള്മാര്ക്ക് ചാര്ജ്, അതിന് 18 ശതമാനം നികുതി എന്നിവയും ചേര്ത്ത് 98,772 രൂപയാകും. എന്നാല് ആഭരണങ്ങളുടെ ഡിസൈന് അനുസരിച്ച് പണിക്കൂലിയിലും വ്യത്യാസമുണ്ടാകുന്നത് സ്വര്ണവിലയിലും പ്രതിഫലിക്കും.
