സ്വര്ണ വിലയില് ഇന്ന് വീണ്ടും വര്ധന. ഗ്രാമിന് 100 രൂപയും പവന് 800 രൂപയുമാണ് ഇന്ന് വര്ധിച്ചത്. ഇതോടെ ഒരു പവന് സ്വര്ണത്തിന്റെ വില 99,200 രൂപയായി. ശനിയാഴ്ച അനക്കമില്ലാതിരുന്ന സ്വര്ണ വില ഇന്ന് വീണ്ടും വര്ധന രേഖപ്പെടുത്തി. 98,400 രൂപയായിരുന്നു കഴിഞ്ഞ ദിവസം പവന് വില.
ഇന്ന് അന്താരാഷ്ട്ര വിപണിയിൽ സ്വർണവില എക്കാലത്തെയും ഉയർന്ന നിരക്കിലേക്ക് കുതിച്ചുയർന്നു. ആഗോള വിപണിയിൽ സ്പോട്ട് ഗോൾഡ് വില ഔൺസിന് 4,383.73 ഡോളർ എന്ന ചരിത്രപരമായ നേട്ടത്തിലാണ് വ്യാപാരം നടക്കുന്നത്. അമേരിക്കൻ ഫെഡറൽ റിസർവ് പലിശ നിരക്കുകളിൽ വരുത്തിയ കുറവും യുഎസ് ഡോളറിന്റെ മൂല്യത്തിലുണ്ടായ ഇടിവുമാണ് സ്വർണവിലയെ റെക്കോർഡ് ഉയരത്തിലെത്തിച്ചത്.
സുരക്ഷിത നിക്ഷേപം എന്ന നിലയിൽ സ്വർണത്തിനുള്ള വർധിച്ച ആവശ്യകതയും ആഗോള സാമ്പത്തിക അനിശ്ചിതത്വങ്ങളും ഈ കുതിപ്പിന് ആക്കം കൂട്ടി. ഇതിന്റെ പ്രതിഫലനം കേരളമുൾപ്പെടെയുള്ള ഇന്ത്യൻ വിപണികളിലും പ്രകടമാണ്. കേരളത്തിൽ ഒരു പവൻ സ്വർണത്തിന്റെ വില ഒരു ലക്ഷം രൂപയോട് അടുക്കുന്ന സാഹചര്യമാണുള്ളത്. നിക്ഷേപകർക്കിടയിൽ സ്വർണത്തോടുള്ള താൽപ്പര്യം വർധിക്കുന്നത് വരും ദിവസങ്ങളിലും വില ഉയരാൻ കാരണമായേക്കുമെന്ന് സാമ്പത്തിക വിദഗ്ധർ വിലയിരുത്തുന്നു.
ഇന്നത്തെ വിലക്കൊപ്പം ഏറ്റവും കുറഞ്ഞത് അഞ്ച് ശതമാനം പണിക്കൂലി, സ്വര്ണത്തിനും പണിക്കൂലിക്കും മൂന്ന് ശതമാനം നികുതി, 45 രൂപ ഹാള്മാര്ക്ക് ചാര്ജ്, അതിന് 18 ശതമാനം നികുതി എന്നിവയും ചേര്ത്ത് ഒരുപവന് സ്വര്ണാഭരണത്തിന് 1,02,229 രൂപയാകും. എന്നാല് ആഭരണങ്ങളുടെ ഡിസൈന് അനുസരിച്ച് പണിക്കൂലിയിലും വ്യത്യാസമുണ്ടാകും, ഇത് സ്വര്ണവിലയിലും പ്രതിഫലിക്കുന്ന കാര്യം ശ്രദ്ധിക്കുക.
