സ്വര്ണ വിലയില് ഇന്ന് വീണ്ടും വര്ധന. ഗ്രാം വില 80 രൂപ കൂടി 11,725 രൂപയും പവന് വില 640 രൂപ കൂടി 93,800 രൂപയുമായി. ശനിയാഴ്ച പവന് 1,400 രൂപ കൂടിയിരുന്നു. ലൈറ്റ്വെയിറ്റ് ആഭരണങ്ങള് നിര്മിക്കാനുപയോഗിക്കുന്ന 18 കാരറ്റ് സ്വര്ണ വിലയും ഗ്രാമിന് 65 രൂപ കൂടി 9,645 രൂപയിലെത്തി. 14 കാരറ്റിന് ഗ്രാമിന് 50 രൂപ കൂടി 7,510 രൂപയും ഒമ്പത് കാരറ്റിന് 30 രൂപ കൂടി 4,845 രൂപയുമാണ് ഇന്നത്തെ വില. വെള്ളി വില 167 രൂപയിലാണ് വ്യാപാരം പുരോഗമിക്കുന്നത്.
നിലവിൽ, ഔൺസിന് ഏകദേശം 4,160 ഡോളര് എന്ന നിലവാരത്തിലാണ് സ്വർണ്ണം വ്യാപാരം ചെയ്യപ്പെടുന്നത്. പണപ്പെരുപ്പത്തെക്കുറിച്ചുള്ള ആശങ്കകളും ലോകമെമ്പാടുമുള്ള വർദ്ധിച്ചുവരുന്ന ഭൗമരാഷ്ട്രീയ പിരിമുറുക്കങ്ങളും സ്വർണ്ണത്തിന് സുരക്ഷിത നിക്ഷേപം (safe-haven asset) എന്ന നിലയിലുള്ള ഡിമാൻഡ് വർദ്ധിപ്പിക്കുന്നുണ്ട്.
എങ്കിലും, യുഎസ് ഫെഡറൽ റിസർവ് പലിശ നിരക്കുകളിൽ ഉടൻ കുറവ് വരുത്താൻ സാധ്യതയില്ലെന്ന സൂചനകൾ യുഎസ് ഡോളറിനെ (US Dollar) ശക്തിപ്പെടുത്തുകയും, ഇത് സ്വർണ്ണവിലയിലെ മുന്നേറ്റത്തിന് ചെറിയ തടസ്സമുണ്ടാക്കുകയും ചെയ്യുന്നു. മൊത്തത്തിൽ, അടുത്ത ദിവസങ്ങളിൽ വിപണിയിലെ പ്രധാന സാമ്പത്തിക ഡാറ്റകളും കേന്ദ്ര ബാങ്കുകളുടെ പ്രസ്താവനകളും വിലയിൽ നിർണ്ണായകമാകും.
ഇന്ന് ഒരു പവന് സ്വര്ണത്തിന്റെ വില 93,800 രൂപയാണെങ്കിലും മനസിനിണങ്ങിയ സ്വര്ണാഭരണം വാങ്ങാന് കൂടുതല് പണം കൊടുക്കേണ്ടി വരും. ഇന്നത്തെ വിലക്കൊപ്പം ഏറ്റവും കുറഞ്ഞത് അഞ്ച് ശതമാനം പണിക്കൂലി, സ്വര്ണത്തിനും പണിക്കൂലിക്കും മൂന്ന് ശതമാനം നികുതി, 45 രൂപ ഹാള്മാര്ക്ക് ചാര്ജ്, അതിന് 18 ശതമാനം നികുതി എന്നിവയും ചേര്ത്ത് 1,01,498 രൂപയാകും. എന്നാല് ആഭരണങ്ങളുടെ ഡിസൈന് അനുസരിച്ച് പണിക്കൂലിയിലും വ്യത്യാസമുണ്ടാകുന്നത് സ്വര്ണവിലയിലും പ്രതിഫലിക്കും.
