ഡോളര്‍ ഇന്‍ഡെക്‌സ് 52 ആഴ്ചയിലെ താഴ്ന്ന നിലവാരത്തിനെത്തിയതിനു പിന്നാലെ സ്വര്‍ണത്തിനുള്ള ആവശ്യം കുതിച്ചുയര്‍ന്നത് വിലയില്‍ മുന്നേറ്റത്തിന് ഇടയാക്കി. സംസ്ഥാനത്ത് ഒറ്റയടിക്ക് ഗ്രാമിന് 105 രൂപ വര്‍ധിച്ച് 9,020 രൂപയും പവന് പവന് 840 രൂപ ഉയര്‍ന്ന് 72,126 രൂപയുമായി.
18 കാരറ്റ് സ്വര്‍ണ വിലയും കുതിച്ചുയര്‍ന്നു. ഗ്രാമിന് 85 രൂപ വര്‍ധിച്ച് 7,400 രൂപയിലാണ് ഇന്നത്തെ വ്യാപാരം. വെള്ളി വിലയില്‍ മൂന്നാം നാളും മാറ്റമില്ല. ഗ്രാമിന് 115 രൂപയിലാണ് കച്ചവടം.
ജൂണിലെ ഏറ്റവും താഴ്ന്ന വിലയായ 71,320 രൂപയിലായിരുന്നു കേരളത്തില്‍ ഇന്നലെ പവന്റെ വ്യാപാരം. 15 ദിവസത്തിനിടെ 3,240 രൂപയുടെ കുറവാണ് കേരളത്തില്‍ രേഖപ്പെടുത്തിയത്. ഇറാന്‍-ഇസ്രായേല്‍ വെടിനിര്‍ത്തലിനു പിന്നാലെ തുടര്‍ച്ചയായി ഇടിവിലായിരുന്നു അന്താരാഷ്ട്ര സ്വര്‍ണം. ഇന്നലെ ഔണ്‍സ് വില 1.49 ശതമാനം ഉയര്‍ന്ന് 3,312 ഡോളറിലേക്ക് തിരിച്ചെത്തി. ഇന്ന് 3,30 ഡോളറിലാണ് വ്യാപാരം.
ഡോളര്‍ ഇന്‍ഡെക്‌സ് മൂന്ന് വര്‍ഷത്തിനിടയിലെ താഴ്ന്ന നിലവാരമായ 96.61ലെത്തി. സ്വര്‍ണത്തിന്റെ വ്യാപാരം മുഖ്യമായും ഡോളറിലായതിനാല്‍ മറ്റ് രാജ്യങ്ങളുടെ കറന്‍സികളില്‍ സ്വര്‍ണം വാങ്ങുന്നവര്‍ക്ക് വില കുറവിനടയാക്കിയതാണ് ഡിമാന്‍ഡ് ഉയര്‍ത്തിയത്. ഡോളറിന്റെ വീഴ്ചയ്‌ക്കൊപ്പം യു.എസ് ഇറക്കുമതി തീരുവയെ ചുറ്റിപ്പറ്റിയുള്ള അനിശ്ചിതത്വങ്ങളും സ്വര്‍ണ വിലയില്‍ മുന്നേറ്റത്തിനിടയാക്കി. ഡൊണാള്‍ഡ് ട്രംപ് ഇറക്കുമതി തീരുവയ്ക്ക് ഏര്‍പ്പെടുത്തിയ ആശ്വാസ കാലയളവ് ജൂലൈ ഒമ്പതിന് അവസാനിക്കാനിരിക്കെ കാര്യങ്ങള്‍ കൂടുതല്‍ ആശങ്കയിലേക്ക് നീങ്ങുകയാണ്. ഇന്ത്യയും യു.എസും തമ്മിലുള്ള വ്യാപാര കരാര്‍ ഏത് സമയവും പ്രഖ്യാപിച്ചേക്കാമെന്നാണ് കരുതുന്നത്.
ഇന്ന് ഒരു പവന്റെ വിലയാണ് 71,320 രൂപ. ആഭരണത്തിന് ഈ വില മതിയാകില്ല. ഇന്നത്തെ വിലക്കൊപ്പം പണിക്കൂലി, സ്വര്‍ണത്തിനും പണിക്കൂലിക്കും മൂന്ന് ശതമാനം നികുതി, 45 രൂപ ഹാള്‍മാര്‍ക്ക് ചാര്‍ജ്, അതിന് 18 ശതമാനം നികുതി എന്നിവയും ചേര്‍ത്ത തുകയാണ് ആഭരണത്തിന് ഈടാക്കുന്നത്. അഞ്ച് ശതമാനം മുതല്‍ 30 ശതമാനം വരെയൊക്കെയാണ് വിവിധ ആഭരണങ്ങള്‍ക്ക് പണിക്കൂലി. പത്ത് ശതമാനം പണിക്കൂലിയുള്ള ഒരു ആഭരണമാണ് തിരഞ്ഞെടുക്കുന്നതെങ്കില്‍ ഇന്നത്തെ വിലയനുസരിച്ച് 81,810 രൂപയാകും.
Read DhanamOnline in English
Subscribe to Dhanam Magazine
