വീടുകളിലും ഓഫീസുകളിലും കഫേകളിലും പൊതു ഇടങ്ങളിലും ആളുകൾക്ക് ഇപ്പോഴും മൊബൈല്‍ ചാര്‍ജിംഗ് വെല്ലുവിളിയാണ്. ചാർജ് ചെയ്യുമ്പോൾ ഫോണുകളും ഗാഡ്ജെറ്റുകളും സുരക്ഷിതമായി എവിടെ വെക്കും എന്നത് മിക്കവരെയും ആശങ്കപ്പെടുത്തുന്ന കാര്യമാണ്. മിക്ക ഉപയോക്താക്കളും ചാർജറുകളിൽ ഫോണുകൾ ബാലൻസ് ചെയ്യാനോ കിടക്കകളിൽ തൂക്കിയിടാനോ അല്ലെങ്കിൽ വയറുകളിൽ അപകടകരമായി തൂങ്ങിക്കിടക്കാൻ അനുവദിക്കാനോ നിർബന്ധിതരാകുകയാണ്. പലപ്പോഴും ഇത് വീഴ്ചകൾക്കും കേടുപാടുകൾക്കും വലിയ അപകടങ്ങൾക്കും വരെ ഇടയാക്കുന്നു.
ഈ ദൈനംദിന ബുദ്ധിമുട്ട് പരിഹരിക്കുന്നതിനായി ബിൽറ്റ്-ഇൻ ഗാഡ്ജെറ്റ് ഹോൾഡറുള്ള വാൾ ചാർജറായ ഹോള്‍ഡ് ആന്‍ഡ് ചാര്‍ജ് (HOLD & CHARGE) പുറത്തിറക്കിയിരിക്കുകയാണ് കെരാറ്റിൻ.
സ്മാർട്ട്ഫോണുകൾ, TWS ഇയർബഡുകൾ, പവർ ബാങ്കുകൾ, മറ്റ് ഉപകരണങ്ങൾ എന്നിവയുൾപ്പെടെയുള്ള ഗാഡ്ജെറ്റുകൾ സുരക്ഷിതമായി സ്ഥാപിക്കുന്നതിനുളള സംവിധാനമാണ് ഹോള്‍ഡ് ആന്‍ഡ് ചാര്‍ജില്‍ ഉളളത്. ഇതിലെ ഫ്രിക്ഷൻ പാഡുകളും കേബിൾ ലോക്ക് സൗകര്യവും ഫോൺ റിംഗ് ചെയ്യുമ്പോൾ ഉണ്ടാകുന്ന വൈബ്രേഷനുകളോ ട്രെയിനിലെ കുലുക്കമോ പോലുള്ള അസ്വസ്ഥതകൾക്കിടയിലും ഗാഡ്ജെറ്റ് ഉറച്ച സ്ഥാനത്ത് നിലനിർത്തുന്നു.
25W ഫാസ്റ്റ് ചാർജർ (PU 3.0, PPS) ജൂൺ 24 നാണ് കെരാറ്റിൻ വിപണിയിൽ അവതരിപ്പിക്കുന്നത്. 1,099 രൂപയാണ് പ്രാരംഭ വില. 2 വർഷത്തെ വാറന്റിയും ബ്രെയ്‌ഡഡ് കേബിളും പാക്കേജിംഗിൽ ഉൾപ്പെടുന്നു. 15W, 20W, 30W, 45W ശേഷിയുള്ള മോഡലുകൾ കമ്പനി ഉടൻ വിപണിയിൽ എത്തിക്കും.
അടച്ചിരിക്കുമ്പോൾ (സാധാരണ മോഡ്) ചാർജർ ഒരു ഒതുക്കമുള്ള 55 സെന്റിമീറ്റർ ക്യൂബാണ്. ഇത് കൈകാര്യം ചെയ്യാനും കൊണ്ടുപോകാനും എളുപ്പമാണ്. സ്മാർട്ട് ചിപ്പ് ഘടിപ്പിച്ച ഇന്ത്യയില്‍ എഞ്ചിനീയറിംഗ് ചെയ്ത ചാർജർ ഓട്ടോ-അഡാപ്‌റ്റേഷൻ, ഉയർന്ന വോൾട്ടേജ്, കറന്റ് സംരക്ഷണം എന്നിവ പോലുള്ള സവിശേഷതകൾ വാഗ്ദാനം ചെയ്യുന്നു. 8-ലെയർ സംരക്ഷണ സംവിധാനം ഉൾക്കൊള്ളുന്ന ചാർജർ ഉപകരണങ്ങൾക്ക് പൂർണ്ണ സുരക്ഷ ഉറപ്പാക്കുന്നു.
Keratin launches 'Hold & Charge', a gadget-holding wall charger with 25W fast charging and safety features for hassle-free use.
Read DhanamOnline in English
Subscribe to Dhanam Magazine
