ഓണ്ലൈന് തട്ടിപ്പില് കുരുങ്ങി കേരള ഹൈക്കോടതി മുന് ജഡ്ജി. റിട്ടയേഡ് ജസ്റ്റിസ് ശശിധരന് നമ്പ്യാര്ക്ക് നഷ്ടമായത് 90 ലക്ഷം രൂപ. ഓണ്ലൈന് ഷെയര് ട്രേഡിംഗില് 850 ശതമാനം ലാഭം വാഗ്ദാനം ചെയ്താണ് തട്ടിപ്പ് നടത്തിയത്. ഡിസംബറിലാണ് സംഭവം നടന്നത്. ജഡ്ജിയുടെ പരാതിയില് രണ്ട് പേര്ക്കെതിരെ തൃപ്പൂണിത്തുറ ഹില്പാലസ് പോലീസ് കേസെടുത്തു.
മൊബൈല് നമ്പര് അനുമതിയില്ലാതെ വാട്സാപ്പ് ഷെയര് ട്രേഡിംഗ് ഗ്രൂപ്പില് കൂട്ടിച്ചേര്ത്തും ഇതു വഴി ലാഭം വാഗ്ദാനം ചെയ്തുമാണ് തട്ടിപ്പ് നടത്തിയത്. പണം അയക്കാനുള്ള ഒരു ലിങ്ക് ഗ്രൂപ്പില് പങ്കുവയ്ക്കുകയും ഇതുവഴി ജഡ്ജി പണം അയക്കുകയും ചെയ്തു. ഘട്ടം ഘട്ടമായി അക്കൗണ്ട് വഴി 90 ലക്ഷം രൂപ തട്ടിയെടുത്തെന്നാണ് കേസ്. സൈബര് പോലീസിന്റെ സഹായത്തോടെ പ്രതികളെ കണ്ടെത്താനുള്ള ശ്രമത്തിലാണ് പോലീസ്. ഓണ്ലൈന് ട്രേഡ് വഴി പണം വാഗ്ദാനം ചെയ്തു നടത്തുന്ന തട്ടിപ്പ് സംസ്ഥാനത്ത് വര്ധിച്ചു വരികയാണ്.
Read DhanamOnline in English
Subscribe to Dhanam Magazine
