കേരളത്തിലെ പ്രമുഖ കുടുംബ ബിസിനസ് സാരഥികളും കുടുംബ ബിസിനസ് കണ്സള്ട്ടിംഗ് രംഗത്തെ മുന്നിര വിദഗ്ധരും എല്ലാം ഒരുമിക്കുന്ന ഫാമിലി ബിസിനസ് കോണ്ക്ലേവ് നാളെ (മാര്ച്ച് 25) കൊച്ചിയില് ക്രൗണ് പ്ലാസയില് നടക്കും. ധനം ബിസിനസ് മീഡിയയുടെ ആഭിമുഖ്യത്തില് നടക്കുന്ന രണ്ടാമത് ഫാമിലി ബിസിനസ് കോണ്ക്ലേവില് കല്യാണ് ജൂവല്ലേഴ്സ് മാനേജിംഗ് ഡയറക്റ്റര് ടി എസ് കല്യാണരാമന് മുഖ്യപ്രഭാഷണം നടത്തും. പ്രശ്നങ്ങള് പരിഹരിച്ച് അഭിപ്രായ ഭിന്നതകളില്ലാതെ എങ്ങനെ കുടുംബ ബിസിനസ് വളര്ത്താമെന്ന വിഷയത്തെ കുറിച്ച് ഫാമിലി ബിസിനസ് കണ്സള്ട്ടിംഗ് രംഗത്തെ പ്രമുഖന് പ്രൊഫ. കാവില് രാമചന്ദ്രന് പ്രഭാഷണം നിര്വഹിക്കും. 360 വണ് വെല്ത്ത് പാര്ട്ണര് വെങ്കിടേഷ് കല്യാണ സുന്ദരം പ്രഭാഷകനായെത്തും.
എങ്ങനെ ശക്തമായൊരു കുടുംബ ബിസിനസ് കെട്ടിപ്പടുക്കാം, കുടുംബ ബിസിനസുകളെ അടുത്ത തലത്തിലേക്ക് വളര്ത്താന് വേണ്ടി ഗവേണന്സില് വരുത്തേണ്ട മാറ്റങ്ങള്, പുറമേ നിന്ന് ഫണ്ട് എങ്ങനെ സമാഹരിക്കാം, കുടുംബ ബിസിനസിന്റെ സാരഥ്യത്തിലുള്ള ദമ്പതികളുടെ ജീവിത, ബിസിനസ് അനുഭവങ്ങള് പങ്കുവെയ്ക്കല്, കുടുംബ ബിസിനസില് എങ്ങനെ പിന്തുടര്ച്ചാക്രമം നിശ്ചയിക്കാം, കുടുംബ ബിസിനസിലെ യുവ സാരഥികള് എങ്ങനെ പാരമ്പര്യത്തെ മുറുകെ പിടിച്ച് ബിസിനസിനെ രൂപാന്തരപ്പെടുത്തുന്നു, കുടുംബ ബിസിനസുകളെ പ്രൊഫഷണലൈസ് ചെയ്യുന്നതില് കുടുംബത്തിന് പുറമേ നിന്നുള്ള ചീഫ് എക്സിക്യൂട്ടിവുകളുടെ റോള്, കുടുംബ ബിസിനസ് ഭരണഘടന എന്തുകൊണ്ട് പ്രസക്തമാകുന്നു തുടങ്ങി ഒട്ടനവധി വിഷയങ്ങളെ കുറിച്ചുള്ള പ്രഭാഷണങ്ങളും പാനല് ചര്ച്ചകളും കോണ്ക്ലേവില് നടക്കും.
രാവിലെ 9 മണി മുതല് രാത്രി 9 മണി വരെ നീളുന്ന കോണ്ക്ലേവില് 25 ലേറെ പ്രമുഖരാണ് പ്രഭാഷകരായെത്തുന്നത്. സംസ്ഥാനത്തിനകത്തും പുറത്തുനിന്നുമുള്ള 300 ഓളം പേര് കോണ്ക്ലേവില് സംബന്ധിക്കാനായെത്തും.
മികവുറ്റ സിസ്റ്റം എങ്ങനെ കുടുംബ ബിസിനസുകളെ ചേര്ത്ത് നിര്ത്തുമെന്ന വിഷയത്തില് പ്രഭാഷണം നിര്വഹിക്കുന്നത് BAF കണ്സള്ട്ടന്റ്സ് സ്ഥാപകനും മാനേജിംഗ് പാര്ട്ണറുമായ അനില് സയ്നാനിയാണ്. ശക്തമായ കുടുംബ ബിസിനസ് കെട്ടിപ്പടുക്കുന്നതിനുള്ള അനുഭവ പാഠങ്ങള് പങ്കുവെയ്ക്കുന്ന പാനല് ചര്ച്ചയില് മുത്തൂറ്റ് ഗ്രൂപ്പ് മാനേജിംഗ് ഡയറക്റ്റര് ജോര്ജ് അലക്സാണ്ടര് മുത്തൂറ്റ്, സിന്തൈറ്റ് ഇന്ഡസ്ട്രീസ് മാനേജിംഗ് ഡയറക്റ്റര് അജു ജേക്കബ്, എവിഎ ഗ്രൂപ്പ് മാനേജിംഗ് ഡയറക്റ്റര് ഡോ. എ വി അനൂപ് എന്നിവര് സംബന്ധിക്കും. ഫാമിലി ബിസിനസ് അഡൈ്വസറും സിഇഒ കോച്ചുമായ എംഎസ്എ കുമാറാണ് പാനല് ചര്ച്ച നയിക്കുന്നത്.
ഗ്രൂപ്പ് മീരാന് ചെയര്മാന് നവാസ് മീരാന്, ഇവോള്വ് ബാക്ക് റിസോര്ട്സ് എക്സിക്യൂട്ടിവ് ഡയറക്റ്റര് ജോസ് ടി രാമപുരം, ട്രൂ ലെഗസി സ്ഥാപകനും എംഡിയുമായ ശ്രീജിത് കുനിയില്, ജെക്കോബി ചോക്ലേറ്റിയര് സ്ഥാപകന് ജേക്കബ് ജോയ്, വര്മ& വര്മ ചാര്ട്ടേര്ഡ് എക്കൗണ്ടന്റ്സ് സീനിയര് പാര്ട്ണര് വിവേക് കൃഷ്ണ ഗോവിന്ദ്, ഗേറ്റ് വെയ്സ് ഗ്ലോബല് എല്എല്പി ലീഡ് പാര്ട്ണറും എക്സിക്യൂട്ടീവ് കോച്ചുമായ എം ആര് രാജേഷ് കുമാര്, ഐഐഎം അഹമ്മദാബാദ് ഹ്യൂമണ് റിസോഴ്സ് മാനേജ്മെന്റ് ഫാക്കല്ട്ടി പ്രൊഫ. ബിജു വര്ക്കി, ബ്രാന്ഡ് സ്ട്രാറ്റജിസ്റ്റും ആഡ് ഫിംലിം മേക്കറുമായ സിജോയ് വര്ഗീസ്, എസ് സി എം എസ് ഗ്രൂപ്പ് സാരഥികളായ പ്രൊഫ. പ്രമോദ് പി തേവന്നൂര്, ഡോ. ഇന്ദു നായര്, മിലന് ഡിസൈന് സാരഥികളായ ഷേര്ളി റെജിമോന്, റെജിമോന് അലക്സ്, ഡല്ഹി BAF കണ്സള്ട്ടന്റ്സ് അസോസിയേറ്റ് ഡയറക്റ്റര് പ്രാച്ചി ജിന്ഡാല്, അക്വാ സ്റ്റാര് എംഡി സീജോ പോന്നോര്, സെയ്ന്റ് ഗിറ്റ്സ് കോളെജ് സിഡിഒയും അസോസിയേറ്റ് പ്രൊഫസറുമായ ഡോ. നവീന് ജോണ് പുന്നൂസ്, മുത്തൂറ്റ് ക്യാപ്പിറ്റല് സര്വീസസ് ഡയറക്റ്റര് റിതു ജോര്ജ് മുത്തൂറ്റ്, അര്ജുന നാച്വറല് എക്സിക്യൂട്ടിവ് ഡയറക്റ്റര് ആന്റണി കുഞ്ഞച്ചന്, നാട്ടിക ആയുര്വേദ റിട്രീറ്റ്സ് ഡയറക്റ്റര് ജോസഫ് കോടത്ത്, നാഷണല് ഹെല്ത്ത് മിഷന് സ്റ്റേറ്റ് നോഡല് ഓഫീസര് ഡോ. യു ആര് രാഹുല് തുടങ്ങിയവര് കോണ്ക്ലേവിലെ വിവിധ സെഷനുകളില് സംബന്ധിച്ച് സംസാരിക്കും.
കേരളത്തിലെ ശക്തമായ കുടുംബ ബിസിനസ് സാരഥികളെ നേരില് കാണാനും കുടുംബ ബിസിനസ് കണ്സള്ട്ടിംഗ് രംഗത്തെ വിദഗ്ധരുമായി ബന്ധങ്ങള് സ്ഥാപിക്കാനുമൊക്കെയായി സ്പീഡ് നെറ്റ് വര്ക്കിംഗ് സെഷനും കോണ്ക്ലേവിലുണ്ട്.
കൂടുതല് വിവരങ്ങള്ക്ക്: അനൂപ് ഏബ്രഹാം: 90725 70065, ഇ-മെയ്ല്: anoop@dhanam.in, https://www.familybusinessconclave.com/
Read DhanamOnline in English
Subscribe to Dhanam Magazine
