₹25 കോടി വിപണി മൂല്യമുള്ള ഈ കേരള കമ്പനി ആലുവയിലെ ആസ്തികള്‍ വില്‍ക്കുന്നു; ₹94 കോടിയുടെ ഇടപാട്
ഓഹരികള്‍ ഇന്ന് അപ്പര്‍ സര്‍ക്യൂട്ടില്‍
Representational Image Created with Meta AI
കേരളത്തില്‍ നിന്നുള്ള ലിസ്റ്റഡ് കമ്പനിയായ സെല്ല സ്‌പേസ് ആലുവ എടയാറിലെ ലോജിസ്റ്റിക്‌സ് പാര്‍ക്ക് ആസ്തികള്‍ വില്‍ക്കുന്നു. 93.85 കോടി രൂപയ്ക്കാണ് വില്‍പ്പന. മഹാരാഷ്ട്ര കമ്പനിയായ കമാക്യ ഇന്‍ഡസ്ട്രിയല്‍ ആന്‍ഡ് ലോജിസ്റ്റിക്‌സ് പാര്‍ക്ക് പ്രൈവറ്റ് ലിമിറ്റഡാണ് എടയാറിലെ സെല്ലാ സ്‌പേസിന്റെ ഭൂമിയും കെട്ടിടവുമുള്‍പ്പെടെയുള്ള എല്ലാ ആസ്തികളും സ്വന്തമാക്കുന്നത്.
സ്റ്റോക്ക് എക്‌സ്‌ചേഞ്ചുകളില്‍ വിവരങ്ങള്‍ ലഭ്യമാക്കിയതിനെ തുടര്‍ന്ന് സെല്ല സ്‌പേസ് ഓഹരി വില ഇന്ന് അഞ്ച് ശതമാനം അപ്പര്‍സര്‍ക്യൂട്ടിലെത്തി. ഇതോടെ കമ്പനിയുടെ വിപണിമൂല്യം 25.61 കോടി രൂപയിലെത്തി. ഈ വര്‍ഷം ഇതു വരെ 35.97 ശതമാനം നേട്ടം നിക്ഷേപകര്‍ക്ക് നല്‍കിയിട്ടുള്ള ഓഹരിയാണ് സെല്ല സ്‌പേസ്. ഓഹരിയുടെ ഒരു വര്‍ഷക്കാലയളവിലെ നേട്ടം 52 ശതമാനത്തിലധികമാണ്.