വിപ്രോ കണ്സ്യൂമര് കെയര് & ലൈറ്റിംഗിന്റെ ഫുഡ്സ് ബിസിനസിന്റെ ഭാഗമായ വിപ്രോ ബ്രാഹ്മിന്സ് രൂപകല്പ്പന ചെയ്ത റെഡി-ടു-കുക്ക് പ്രഭാത ഭക്ഷണ ശ്രേണിയായ 'ബ്രാഹ്മിന്സ് എക്സ്പ്രസ് മിക്സ്' വിപണിയിലിറക്കി. വീട്ടിലുണ്ടാക്കിയ ഭക്ഷണത്തിന്റെ പരമ്പരാഗത രുചിയും വിശ്വസനീയമായ ചേരുവകളും വേഗത്തിലും സൗകര്യപ്രദവുമായ ഫോര്മാറ്റില് സംയോജിപ്പിച്ച്, 10 മിനിറ്റിനുള്ളില് പ്രഭാതഭക്ഷണം സാധ്യമാക്കുന്നതാണ് ഈ ശ്രേണി.
'ബ്രാഹ്മിന്സ് എക്സ്പ്രസ് മിക്സ്' ശ്രേണിയില് എട്ട് ഇന്ത്യന് പ്രഭാതഭക്ഷണ വിഭവങ്ങളാണ് ഉള്പ്പെടുത്തിയിരിക്കുന്നത്- റൈസ് ഇഡ്ലി, റൈസ് ദോശ, റവ ഇഡ്ലി, റവ ദോശ, റാഗി ഇഡ്ലി, റാഗി ദോശ, ഉപ്പുമാവ്, പൊഹ.
ഏകദേശം നാല് പതിറ്റാണ്ടുകളായി 100 ശതമാനം സസ്യാഹാര ഉല്പാദനം മാത്രമുള്ള നിര്മ്മാണ ഫാക്ടറിയുടെ പിന്തുണയോടെ പരിശുദ്ധി, സ്ഥിരതയുള്ള മാനദണ്ഡങ്ങള് എന്നിവയില് പ്രശസ്തി കെട്ടിപ്പടുത്ത ബ്രാന്ഡാണ് ബ്രാഹ്മിന്സ് എന്ന് വിപ്രോ ഫുഡ്സിന്റെ പ്രസിഡന്റ് അനില് ചുഗ് പറഞ്ഞു.
പുതിയ വിപണികളില് കൂടുതല് ലഭ്യത ഉറപ്പാക്കുന്നതിനായി ബ്രാന്ഡ് ദ്രുത വാണിജ്യ, വ്യാപാര ചാനലുകളിലുടനീളം ലഭ്യത വിപുലീകരിക്കുമെന്നും വിപ്രോ ഫുഡ്സിലെ നിറപറ ആന്ഡ് ബ്രാഹ്മിന്സ് ബിസിനസ് ഹെഡ് സണ്ണി തോമസ് പറഞ്ഞു. പ്രിസര്വേറ്റീവ് രഹിത കൂട്ടുകള് ഉപയോഗിച്ച് യഥാര്ത്ഥ രുചി നിലനിര്ത്തുന്നതിനൊപ്പം പാചക പ്രക്രിയ ലളിതമാക്കുന്നതിലാണ് ശ്രദ്ധ കേന്ദ്രീകരിച്ചിരിക്കുന്നത്.
ദേശീയതലത്തില് സ്വിഗ്ഗി ഇന്സ്റ്റാമാര്ട്ട് വഴിയും ഈ ശ്രേണി ലഭ്യമാണ്. ബെംഗളൂരു, മുംബൈ, ഡല്ഹി, ഹൈദരാബാദ്, ചെന്നൈ, ജയ്പൂര്, പോണ്ടിച്ചേരി എന്നിവയുള്പ്പെടെയുള്ള ടയര് 1, ടയര് 2 നഗരങ്ങളിലുള്ള മറ്റ് ഇ-കൊമേഴ്സ് പ്ലാറ്റ്ഫോമുകളിലേക്കും ഉല്പ്പന്നങ്ങള് ഉടന് വില്പ്പനക്ക് എത്തിക്കുമെന്നും സണ്ണി തോമസ് പറഞ്ഞു.
Wipro launches Brahmins Express Mix, a ready-to-cook breakfast range offering quick traditional meals in 10 minutes.
Read DhanamOnline in English
Subscribe to Dhanam Magazine
