ദുരന്തമുഖത്തായിരുന്ന സമ്പദ് വ്യവസ്ഥയെ ചിട്ടപ്പെടുത്താനുള്ള പ്രവര്ത്തനങ്ങളാണ് എന്ഡിഎ സര്ക്കാര് നടത്തിയതെന്ന് പ്രധാനമന്ത്രി നരേന്ദ്ര മോദി.വ്യവസായികളുടെ സംഘടനയായ അസോചമിന്റെ നൂറാം വാര്ഷിക സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു പ്രധാനമന്ത്രി.
'അഞ്ച്-ആറ് വര്ഷങ്ങള്ക്ക് മുന്പ് ഇന്ത്യന് സമ്പദ് ഘടന ഒരു ദുരന്തത്തിലേക്ക് കൂപ്പുകുത്തിക്കൊണ്ടിരിക്കുകയായിരുന്നു. അത് തിരിച്ചുകൊണ്ടുവരാനുള്ള ശ്രമങ്ങളാണ് ഞങ്ങള് നടത്തിയത്. സമ്പദ്ഘടനയെ അച്ചടക്കത്തിലേക്കെത്തിക്കാനുള്ള പ്രവര്ത്തനങ്ങളായിരുന്നു അത്.'-നരേന്ദ്ര മോദി പറഞ്ഞു.
വര്ഷങ്ങളായി വ്യവസായ മേഖല ഉയര്ത്തുന്ന ആവശ്യങ്ങള് പൂര്ത്തീകരിക്കുന്നതില് സര്ക്കാര് ശ്രദ്ധ കേന്ദ്രീകരിച്ചിട്ടുണ്ട്.കര്ഷകരേയും തൊഴിലാളികളേയും വ്യവസായികളേയും കേള്ക്കുന്ന സര്ക്കാരാണിത്. നികുതിഘടനയിലും സുതാര്യതയും കാര്യക്ഷമതയും നിലനിര്ത്തുന്നതിനായുള്ള പ്രവര്ത്തനങ്ങളിലേക്കാണ് ഇനി നമ്മള് നീങ്ങുന്നത്.കഴിഞ്ഞ ഏതാനും വര്ഷങ്ങളായി ഇന്ത്യയിലേക്കുള്ള വിദേശനിക്ഷേപ തോത് ഏറെ വര്ധിച്ചു. ഇനി, രാജ്യത്തിന്റെ ഏറ്റവും വേഗതയിലുള്ള വികാസമാണ് ലക്ഷ്യമിടുന്നതെന്നും പ്രധാനമന്ത്രി പറഞ്ഞു.
ഡെയ്ലി ന്യൂസ് അപ്ഡേറ്റുകള്, Podcasts, Videos എന്നിവ നിങ്ങളുടെ ഫോണിൽ ലഭിക്കാൻ join Dhanam Telegram Channel – https://t.me/dhanamonline
Read DhanamOnline in English
Subscribe to Dhanam Magazine
