സംസ്ഥാനത്തെ സ്വര്ണവിലയില് നേരിയ കുറവ്. ഗ്രാമിന് 50 രൂപ കുറഞ്ഞ് 10,880 രൂപയിലെത്തി. പവന് വില 400 രൂപ കുറഞ്ഞ് 87040 രൂപയിലെത്തി. കനം കുറഞ്ഞ ആഭരണങ്ങള് നിര്മിക്കാന് ഉപയോഗിക്കുന്ന 18 കാരറ്റ് സ്വര്ണം ഗ്രാമിന് 40 രൂപ കുറഞ്ഞ് 8,720 രൂപയിലെത്തി. 14 കാരറ്റിന് 6,960 രൂപയിലും 9 കാരറ്റിന് 4,490 രൂപയിലുമാണ് വ്യാപാരം. വെള്ളിവില ഗ്രാമിന് 156 രൂപയുമാണ്.
യു.എസ് ഫെഡ് നിരക്ക് വീണ്ടും കുറക്കുമെന്ന പ്രതീക്ഷ ശക്തമായതും ഡോളറിന്റെ വിനിമയ നിരക്ക് കുറയുന്നതുമാണ് അടുത്ത കാലത്തായി സ്വര്ണവില പിടിവിട്ട് കുതിക്കാനുള്ള കാരണം. ഇതിന് പിന്നാലെ യു.എസില് ഷട്ട്ഡൗണ് തുടങ്ങിയതോടെ വില പിടിവിട്ട് കുതിച്ചു. ഇതിന് പുറമെ ഭൗമരാഷ്ട്രീയ സാഹചര്യങ്ങളും വിലക്കയറ്റത്തിന് കാരണമായി. ആളുകള് കൂടുതലായി സ്വര്ണത്തില് നിക്ഷേപിക്കാന് താത്പര്യം കാണിക്കുകയാണ്. എന്നാല് ഇന്ന് ലാഭമെടുപ്പ് ശക്തമായതാണ് വിലയില് കുറവ് വരാന് കാരണമായി വിദഗ്ധര് ചൂണ്ടിക്കാട്ടുന്നത്.
ഇന്ന് കുറഞ്ഞത് അഞ്ച് ശതമാനം പണിക്കൂലിയും ജി.എസ്.ടിയും ഹാള്മാര്ക്കിംഗ് ചാര്ജും ചേര്ത്താല് ഒരു പവന് സ്വര്ണാഭരണത്തിന്റെ വില 94,144 രൂപയെങ്കിലുമാകും. അടുത്ത ദിവസങ്ങളില് സ്വര്ണവില ഇനിയും വര്ധിക്കാനുള്ള സാധ്യതയുണ്ടെന്നാണ് വിദഗ്ധര് പറയുന്നത്.
Read DhanamOnline in English
Subscribe to Dhanam Magazine
