ശമ്പള വരുമാനക്കാരും മധ്യവര്‍ഗവും അടങ്ങുന്ന വോട്ട് ബാങ്കിനെ ആകർഷിക്കാനുള്ള പ്രഖ്യാപനങ്ങൾ മോദി സര്‍ക്കാരിന്റെ ഇടക്കാല ബജറ്റില്‍ ഉണ്ടായിരിക്കുമെന്ന് സൂചന.
ഫെബ്രുവരി ഒന്നിനാണ് ധനമന്ത്രി അരുണ്‍ ജെയ്റ്റ്‌ലി ബജറ്റ് അവതരിപ്പിക്കുക. തിരഞ്ഞെടുപ്പ് മുന്നില്‍ കണ്ട് ഇടത്തര വരുമാനക്കാർക്കുള്ള നികുതി ആനുകൂല്യങ്ങള്‍ വര്‍ധിപ്പിച്ചേക്കുമെന്നാണ് വിദഗ്ധര്‍ വിലയിരുത്തുന്നത്. 80 സി പ്രകാരമുള്ള നിക്ഷേപ പരിധി 1.50 ലക്ഷത്തില്‍നിന്ന് വര്‍ധിപ്പിക്കണമെന്ന ആവശ്യം ദീര്‍ഘകാലമായുണ്ട്.
ബജറ്റിൽ പരിഗണിച്ചേക്കാവുന്ന മറ്റുചില കാര്യങ്ങൾ
ബജറ്റിന് മുൻപായി സമർപ്പിച്ച റിപ്പോർട്ടിൽ, കോൺഫെഡറേഷൻ ഓഫ് ഇന്ത്യൻ ഇൻഡസ്ടറി (സിഐഐ) ചില നിർദേശങ്ങൾ മുന്നോട്ട് വെച്ചിട്ടുണ്ട്. അഞ്ച് ലക്ഷത്തിൽ താഴെ വരുമാനമുള്ളവരെ ആദായ നികുതിയിൽ നിന്ന് ഒഴിവാക്കണം എന്നതാണ് പ്രധാന നിർദേശം. നിലവിൽ ഇത് 2.5 ലക്ഷമാണ്. അഞ്ചു മുതൽ 10 ലക്ഷം വരെയുള്ള വരുമാനത്തിന് നികുതി 10 ശതമാനമാക്കണമെന്നും സിഐഐ പറയുന്നു.
Read DhanamOnline in English
Subscribe to Dhanam Magazine
