ഏറ്റവും വേഗം വളരുന്ന രാജ്യമേത്? ഇന്ത്യയാണോ?

ഇന്ത്യ മറികടക്കും വരെ വര്‍ഷങ്ങളായി ചൈനയായിരുന്നു ഒന്നാം സ്ഥാനത്ത്. ഇപ്പോള്‍ ചെറുതും വലുതുമായ നിരവധി രാജ്യങ്ങള്‍ ഈ സ്ഥാനത്തിനു വേണ്ടി രംഗത്തുണ്ട്. എന്നാല്‍, ഒരു പുതിയ റിപ്പോര്‍ട്ട് അനുസരിച്ച് 2022ല്‍ 8.7 ശതമാനം വളര്‍ച്ചയുമായി സൗദി അറേബ്യയാണ് ഈ പട്ടികയില്‍ മുന്നിലുള്ളത്. എട്ട് ശതമാനം വളര്‍ച്ച നേടി വിയറ്റ്നാം തൊട്ടുപുറകിലുണ്ട്. 2023ലെ ആദ്യപാദത്തില്‍ 6.4 ശതമാനം വളര്‍ച്ചയുമായി ഫിലിപ്പൈന്‍സ് വളര്‍ച്ചാനിരക്കില്‍ ഇന്ത്യയെ മറികടന്നു.

ഈവര്‍ഷം അവസാനമോ അടുത്ത വര്‍ഷം ആദ്യമോ സാമ്പത്തിക മാന്ദ്യം പ്രതീക്ഷിക്കുന്ന സാഹചര്യത്തില്‍ ആര് മുമ്പിലെത്തും എന്നത് പ്രവചിക്കാന്‍ ബുദ്ധിമുട്ടാണ്. കാലത്തിന് മാത്രമേ ഇതിന് ഉത്തരം നല്‍കാനാവൂ.

(This article was originally published in Dhanam Magazine August 15th issue)