Begin typing your search above and press return to search.
ഉദ്യോഗാര്‍ത്ഥികള്‍ക്ക് സുവര്‍ണാവസരം, നിയമനം 18 മാസത്തെ ഉയര്‍ന്ന നിലയിലെത്തും
650 ചെറുകിട, ഇടത്തരം, വന്‍കിട കമ്പനികളെ ഉള്‍പ്പെടുത്തിയാണ് ടീംലീസ് സര്‍വേ നടത്തിയത്
ഇന്ത്യയിലെ തൊഴില്‍ വിപണി ശക്തമായ തിരിച്ചുവരവിന്റെ പാതയിലെന്ന് റിപ്പോര്‍ട്ട്. ഒക്ടോബര്‍-ഡിസംബര്‍ മാസങ്ങളില്‍ കമ്പനികളുടെ നിയമനം 18 മാസങ്ങള്‍ക്കിടയിലെ ഏറ്റവും ഉയര്‍ന്ന നിലയിലായിരിക്കുമെന്ന് ടീംലീസ് എംപ്ലോയ്‌മെന്റ് ഔട്ട്‌ലുക്കിന്റെ റിപ്പോര്‍ട്ടില്‍ പറയുന്നു. സര്‍വേയില്‍ പങ്കെടുത്ത 41 ശതമാനം കമ്പനികളും ഈ പാദത്തില്‍ കൂടുതല്‍ ജീവനക്കാരെ നിയമിക്കാന്‍ ലക്ഷ്യമിടുന്നുണ്ട്. അതേസമയം, ജൂലൈ-സെപ്റ്റംബറില്‍ 38 ശതമാനം കമ്പനികളാണ് പുതിയ നിയമനങ്ങള്‍ നടത്തിയത്. 21 മേഖലകളിലായി പ്രവര്‍ത്തിക്കുന്ന 650 ചെറുകിട, ഇടത്തരം, വന്‍കിട കമ്പനികളെ ഉള്‍പ്പെടുത്തിയാണ് ടീംലീസ് സര്‍വേ റിപ്പോര്‍ട്ട് തയ്യാറാക്കിയത്.
മേഖലകള്‍ തിരിച്ചുള്ള ഡാറ്റ വിശകലനം ചെയ്യുമ്പോള്‍, ഇന്‍ഫര്‍മേഷന്‍ ടെക്‌നോളജി (ഐടി), എഫ്എംസിജി, വിദ്യാഭ്യാസം, ഇ-കൊമേഴ്‌സ്, ടെക്‌നോളജി സ്റ്റാര്‍ട്ടപ്പുകള്‍, ടെലികമ്മ്യൂണിക്കേഷന്‍സ്, മാനുഫാക്ചറിംഗ്, എഞ്ചിനീയറിംഗ്, ഇന്‍ഫ്രാസ്ട്രക്ചര്‍, നിര്‍മ്മാണം, റിയല്‍ എസ്റ്റേറ്റ് തുടങ്ങിയ മേഖലകളിലാണ് കൂടുതല്‍ നിയമനങ്ങള്‍ നടക്കാനിരിക്കുന്നത്. കൂടാതെ, കോവിഡ് മഹാമാരിയുടെ ആഘാതം അനുഭവിക്കുന്ന മേഖലകളായ ട്രാവല്‍, ഹോസ്പിറ്റാലിറ്റി എന്നീ മേഖലകളില്‍ പോലും ശക്തമായ നിയമം ഈ പാദത്തിലുണ്ടാവുമെന്ന് സര്‍വേ വ്യക്തമാക്കുന്നു.
ടീം ലീസ് സര്‍വേ പ്രകാരം മെട്രോ, ടയര്‍ 1 നഗരങ്ങളാണ് നിയമനങ്ങളില്‍ മുന്നില്‍. ടയര്‍ 11 - 111 നഗരങ്ങളും ഗ്രാമപ്രദേശങ്ങളും നിയമനങ്ങള്‍ ത്വരിതപ്പെടുത്തുന്നുണ്ട്. വാക്‌സിനേഷന്‍ നിരക്ക് നിയമനങ്ങളെ ഊര്‍ജിതപ്പെടുത്തുന്നതായും സര്‍വേ വ്യക്തമാക്കുന്നു.
Next Story
Videos