തെറ്റായ വാര്‍ത്താപ്രചരണം: 16 യൂട്യൂബ് ചാനലുകള്‍ക്ക് പൂട്ടിട്ട് കേന്ദ്രം
വിലക്കുള്ളവയില്‍ പത്തെണ്ണം ഇന്ത്യക്കാരുടേത്
തെറ്റായ വിവരങ്ങള്‍ പ്രചരിപ്പിച്ചതായി കണ്ടെത്തിയതിനെത്തുടര്‍ന്ന് പതിനാറോളം യൂട്യൂബ് ചാനലുകള്‍ക്ക് വിലക്കേര്‍പ്പെടുത്തി കേന്ദ്രം.
വിലക്കേർപ്പെടുത്തിയവയിൽ ആറെണ്ണം പാക്കിസ്താന്‍ ആസ്ഥാനമായതും പത്തെണ്ണം ഇന്ത്യയിലേതുമാണെന്നാണ് വിവരം. ഐടി റൂള്‍സ് 2021 പ്രകാരമാണ് ചാനലുകള്‍ക്ക് രാജ്യത്ത് വിലക്കേര്‍പ്പെടുത്തിയിട്ടുള്ളത്.
കൊവിഡ്-19 വര്‍ധിക്കാനുള്ള കാരണവും അഥുമായി ബന്ധപ്പെട്ട വാര്‍ത്തകളും, കുടിയേറ്റ തൊഴിലാളികളെ ഭീഷണിപ്പെടുത്തുന്നതുമായി ബന്ധപ്പെട്ട തെറ്റായ പ്രചരണം, ചില മതവിഭാഗങ്ങള്‍ക്ക് ഭീഷണിയുണ്ടെന്ന് ആരോപിച്ച് കെട്ടിച്ചമച്ച സ്റ്റോറികള്‍ അപ്‌ലോഡ് ചെയ്യല്‍ മുതലായവ ഇത്തരം ചാനലുകള്‍ക്ക് മേല്‍ ചുമത്തപ്പെട്ടിട്ടുണ്ട്. അത്തരം ഉള്ളടക്കം രാജ്യത്തെ പൊതു ക്രമത്തിന് ഹാനികരമാണെന്നാണ് ബ്രോഡ്കാസ്റ്റിംഗ് അതോറിറ്റിയുടെ നിരീക്ഷണം.