എഐ അധിഷ്ഠിത ഇവന്റ് ടെക്നോളജി പ്ലാറ്റ്ഫോമായ പ്രിമാജിക്കിന്റെ (Premagic) സ്ട്രാറ്റജിക് അഡ്വൈസറായി ആഗോള ഇവന്റ് ടെക് മേഖലയിലെ പ്രമുഖനായ ആദം പാരി നിയമിതനായി. ഇവന്റ് ടെക് ലൈവ് (Event Tech Live), ഇവന്റ് ടെക്നോളജി അവാർഡ്സ് എന്നിവയുടെ സഹസ്ഥാപകനായ പാരി, ആഗോള ഇവന്റ് ഇൻഡസ്ട്രി ആവാസവ്യവസ്ഥയിൽ പ്രിമാജിക്കിന്റെ സാന്നിധ്യം ശക്തമാക്കുന്നതിനാണ് കമ്പനിയുമായി കൈകോർക്കുന്നത്.
പണം നൽകിയുള്ള പരസ്യപ്രചാരണങ്ങൾക്ക് പകരം, ഇവന്റുകളിൽ പങ്കെടുക്കുന്നവരിലൂടെയും സ്പീക്കർമാരിലൂടെയും ഉണ്ടാകുന്ന 'ഓർഗാനിക് അഡ്വക്കസി' (Organic Advocacy) വഴി ഇവന്റുകളുടെ ദൃശ്യപരത വർദ്ധിപ്പിക്കാനാണ് പ്രിമാജിക് ലക്ഷ്യമിടുന്നത്. ഇവന്റുകളെ ഒരു സുസ്ഥിരമായ കണ്ടന്റ് എഞ്ചിനാക്കി മാറ്റാൻ ഈ പ്ലാറ്റ്ഫോം സഹായിക്കുന്നു. പ്രിമാജിക്കിന്റെ വിപണിയിലെ സ്ഥാനം (Market positioning), പങ്കാളിത്ത വികസനം, കാമ്പയിൻ തന്ത്രങ്ങൾ എന്നിവയിൽ ആദം പാരി നേതൃത്വം നൽകും.
പ്രിമാജിക്കിന്റെ വിഷനും പ്രവർത്തന മികവിനുമുള്ള അംഗീകാരമാണ് ആദം പാരിയുടെ വരവെന്ന് സിഇഒ അനൂപ് മോഹൻ പറഞ്ഞു. സംഘാടകരുടെ യഥാർത്ഥ ആവശ്യങ്ങൾ തിരിച്ചറിഞ്ഞ് പ്രവർത്തിക്കാനും കൂടുതൽ ആളുകളിലേക്ക് വിശ്വാസ്യതയോടെ എത്താനും അദ്ദേഹത്തിന്റെ പരിചയസമ്പത്ത് സഹായിക്കുമെന്ന് അദ്ദേഹം വ്യക്തമാക്കി. നിലവിൽ ഏഷ്യ, യുകെ, യൂറോപ്പ് എന്നിവിടങ്ങളിൽ സജീവമായ പ്രേമാജിക്, 2026-ഓടെ യുകെ, യുഎസ് വിപണികളിൽ കൂടുതൽ സ്വാധീനം ചെലുത്താനാണ് ലക്ഷ്യമിടുന്നത്. ദുബായ് ആസ്ഥാനമായി പ്രവർത്തിക്കുന്ന ആദം പാരിയുടെ ആഗോള ശൃംഖല ഈ വളർച്ചയ്ക്ക് വലിയ മുതൽക്കൂട്ടാകും.
Read DhanamOnline in English
Subscribe to Dhanam Magazine
