2021-22 ൽ കിറ്റെക്സ് ഗാര്മെന്റ്സ് വിറ്റ് വരവിൽ സർവകാല റെക്കോർഡ് കൈവരിച്ചതായി മാനേജിംഗ് ഡയറക്റ്റർ സാബു ജേക്കബ് അറിയിച്ചു. 2020 -21 നെ ക്കാൾ 75 % വിറ്റ് വരവ് ഉയർന്ന് 818 കോടി രൂപ നേടി. ലോകത്തെ രണ്ടാമത്തെ വലിയ ശിശു വസ്ത്ര നിർമാതാക്കളാണ് കിറ്റെക്സ് ഗാര്മെന്റ്സ്.
നികുതിക്കും, പലിശക്കും മുൻപുള്ള വരുമാനം 81 % വർധിച്ച് 200 കോടി രൂപയായി. നികുതിക്ക് മുൻപുള്ള ലാഭം 175.78 കോടി രൂപ (106 % വളർച്ച), നികുതിക്ക് ശേഷമുള്ള ലാഭം 128.28 കോടി രൂപ (114 % വളർച്ച). ടെലിംഗാനയിലെ വിപുലീകരണ പ്രവർത്തനങ്ങൾ പുരോഗമിക്കുന്നതായി സാബു ജേക്കബ് അറിയിച്ചു. അസംസ്കൃത വസ്തുക്കളുടെ ചെലവ് വർധിച്ചെങ്കിലും ഫലപ്രദമായ ചെലവ് ചുരുക്കൽ നടപടികളിലൂടെ വിറ്റ് വരവ് റിക്കോർഡ് കൈവരിക്കാൻ സാധിച്ചതായി അദ്ദേഹം അറിയിച്ചു.
Read DhanamOnline in English
Subscribe to Dhanam Magazine
