Begin typing your search above and press return to search.
വില ഉയരുന്നു, സിമൻറ്റ് കമ്പനികളുടെ ലാഭക്ഷമത കുറയുന്നു
കൽക്കരി, പെറ്റ് കോക്ക്, ഡീസൽ എന്നിവയുടെ വില വർധനവ് വ്യവസായത്തെ പ്രതിസന്ധിയിലാക്കി.
സിമൻറ്റ് വില വർധിക്കുന്നുണ്ടെങ്കിലും സിമൻറ്റ് കമ്പനികളുടെ ലാഭക്ഷമത തുടർച്ചയായ രണ്ടാം ഇടിയുകയാണ്. 2022 -23 ൽ പ്രവർത്തന ലാഭം 15 % കുറഞ്ഞ് ടണ്ണിന് 900 -925 രൂപവരെ യാകുമെന്ന് ക്രിസിൽ റേറ്റിംഗ്‌സ് വിലയിരുത്തുന്നു. കഴിഞ്ഞ സാമ്പത്തിക വർഷം പ്രവർത്തന ലാഭം 9 % കുറഞ്ഞിരുന്നു.
കൽക്കരി, പെറ്റ് കോക്ക്, ഡീസൽ എന്നിവയുടെ വില വർധിച്ചതിനാൽ ശരാശരി ഉൽപ്പാദന ചെലവിലും വർധനവ് ഉണ്ടായി.
2022 -23 ആദ്യ പാദത്തിൽ സിമൻറ്റ് ഡിമാൻഡ് 17 % വർധിച്ചത് ഒരു പരിധി വരെ കമ്പനികൾക്ക് ആശ്വാസമായി. എങ്കിലും മുൻ വർഷത്തെ താഴ്ന്ന അടിത്തറയിൽ നിന്നാണ് കയറ്റം ഉണ്ടായത്. നടപ്പ് സാമ്പത്തിക വർഷം 8 -10 % ഡിമാൻഡ് വളർച്ച ഉണ്ടാകുമെന്ന് പ്രതീക്ഷിക്കുന്നു.
ഈ വർഷം ഡിമാൻഡ് പ്രധാനമായും കൂടുന്നത് സർക്കാർ അടിസ്ഥാന സൗകര്യ വികസന പദ്ധതികളിൽ. നിന്നാണ്. വ്യാവസായിക, വാണിജ്യ ഡിമാൻഡും വർധിക്കുന്നുണ്ട്. ഭവന നിർമാണ മേഖലയിൽ നിന്ന് 5 % അധിക ഡിമാൻഡ് പ്രതീക്ഷിക്കുന്നു.
കിഴക്കേ ഇന്ത്യയിൽ 13 -14 % ഡിമാൻഡ് വർധനവ് ഉണ്ടാകും, മധ്യ -തെക്കേൻ മേഖലയിൽ 10 % വർധനവും പ്രതീക്ഷിക്കുന്നു.
സിമൻറ്റ് ഉൽപ്പാദനത്തിൽ വൈദ്യുതി, ഇന്ധന ചെലവുകൾ മൊത്തം ചെലവിൻറ്റെ 30 % വരെയാണ്. ഈ ഇനത്തിൽ ടണ്ണിന് 300 രൂപവരെ ചെലവ് വർധിക്കും.
സിമൻറ്റ് കമ്പനികൾക്ക് 3 -4 % വിലവര്ധനവ് വരുത്താൻ സാധിക്കുമെങ്കിലും ഉയർന്ന ഉൽപ്പാദന ചെലവ് മൂലം ലാഭക്ഷമത കുറയും. ഉയർന്ന നിലയിൽ നിന്ന് ഇന്ധന, പെറ്റ് കോക്ക് വിലകൾ കുറഞ്ഞത് കമ്പനികൾക്ക് ആശ്വാസമായി.
കഴിഞ്ഞ വർഷം സിമൻറ്റ് കമ്പനികൾ വികസനത്തിനായി 19000 കോടി രൂപയുടെ മൂലധന ചെലവ് നടത്തിയിട്ടുണ്ട്. ഈ സാമ്പത്തിക വർഷം 27,000 കോടി രൂപയായി വർധിക്കും. ഇതും അധിക ബാധ്യത സൃഷ്ടിക്കുന്നു.
സിമൻറ്റ് വ്യവസായത്തിൽ ഏകീകരണം നടക്കുന്നതിനാൽ കമ്പനികളുടെ ബിസിനസ് പ്രൊഫൈൽ മെച്ചപ്പെടുന്നുണ്ട്.
രാംകോ സിമൻറ്റ്സ് വരുമാനം 2022 -23 ആദ്യപാദത്തിൽ 44 ശതമാനം വർധിച്ച് 1779.39 കോടി രൂപയായി. എങ്കിലും അറ്റാദായം 33 % കുറഞ്ഞ് 112.2 കോടി രൂപയായി. എ സി സി ലിമിറ്റഡ് വരുമാനം 15 % വർധിച്ച് 4521.26 കോടി രൂപയായി, എന്നാൽ ലാഭം 58 % 222.17 കോടി രൂപയായി.
Next Story