പ്ലാറ്റിനത്തെ നിക്ഷേപത്തില്‍ ഉള്‍പ്പെടുത്തണോ?
കഴിഞ്ഞ ഒരു മാസത്തില്‍ അന്താരാഷ്ട്ര സ്വര്‍ണ വില 0.73 ശതമാനം വര്‍ധിച്ചപ്പോള്‍ പ്ലാറ്റിനം വില ഉയര്‍ന്നത് 10.68 ശതമാനം
ഏറ്റവും നിക്ഷേപം ആകര്‍ഷിക്കുന്ന ലോഹം സ്വര്‍ണമാണെങ്കിലും 2023 ല്‍ വില വര്‍ധനയില്‍ മുന്നില്‍ പ്ലാറ്റിനമാണ്. ലോഹ വ്യാപാര സ്ഥാപനമായ കിറ്റ് കോയുടെ കണക്കുകള്‍ പ്രകാരം കഴിഞ്ഞ ഒരു മാസത്തില്‍ അന്താരാഷ്ട്ര സ്വര്‍ണ വില 0.73 ശതമാനം വര്‍ധിച്ചപ്പോള്‍ പ്ലാറ്റിനം വില 12.53 ശതമാനമാണ് വര്‍ധിച്ചത്. വെള്ളിയുടെ വിലയില്‍ 8.73 ശതമാനം വര്‍ധനയുണ്ടായി. ഈ ആഴ്ച്ച പ്ലാറ്റിനം വില ഔണ്‍സിന് 1100 ഡോളറിന്(90244.93 രൂപ) അടുത്തെത്തി. കഴിഞ്ഞ വര്‍ഷം ഇതേ സമയം 960 ഡോളറാ(78759.21 രൂപ)യിരുന്നു. ഇന്ത്യയില്‍ കഴിഞ്ഞ പത്തു ദിവസത്തില്‍ പ്ലാറ്റിനം വില 8.82 ശതമാനം വര്‍ധിച്ച് ഗ്രാമിന് 2874 രൂപയായി.
വില ഉയരുമെന്ന് പ്രതീക്ഷ
പ്രധാന പ്ലാറ്റിനം ഉത്പാദക രാജ്യമായ ദക്ഷിണ ആഫ്രിക്കയില്‍ തുടര്‍ച്ചയായ വൈദ്യുതി തടസമുണ്ടാകുന്നത് പ്ലാറ്റിനം ഖനനത്തെ ബാധിക്കുന്നുണ്ട്. 2022 ല്‍ ഖനനം 11 ശതമാനം കുറഞ്ഞ് 157.2 ടണ്ണായി. റീസൈക്ലിങ് 17 ശതമാനം കുറഞ്ഞ് 47.68 ടണ്ണിലെത്തി.
Investing is subject to market risk. Do your own research or consult a financial advisor before investing.