നേരത്തെ പറഞ്ഞതിലും ഒരു വര്ഷം മുമ്പ് തന്നെ മാരുതി സുസുക്കിയുടെ ഇലക്ട്രിക് കാര് എത്തും. 2023-24 സാമ്പത്തിക വര്ഷം ഇവി അവതരിപ്പിക്കുകയാണ് ലക്ഷ്യം. നേരത്തെ 2024-25 പകുതിയോടെ ഇവി പുറത്തിറക്കുമെന്നാണ് കമ്പനി അറിയിച്ചിരുന്നത്. രാജ്യത്തെ ഇവി വിപണിയുടെ വളര്ച്ചാ വേഗം കണക്കിലെടുത്താണ് മാരുതിയുടെ പുതിയ നീക്കം.
കഴിഞ്ഞ ഓട്ടോ എക്സ്പോയില് ഇവിഎക്സ് എന്ന പേരില് ഒരു ഇലക്ട്രിക് കാര് മാരുതി അവതരിപ്പിച്ചിരുന്നു. ഇതുകൂടാതെ ആറ് പുതിയ മോഡലുകള് കൂടി കമ്പനി പുറത്തിറക്കും. തുടര്ച്ചയായി 2030വരെ എല്ലാവര്ഷവും ഓരോ മോഡലുകളാണ് വില്പ്പനയ്ക്കെത്തിക്കുക. ഇവി വിഭാഗത്തില് ഏറ്റവും വലിയ ബ്രാന്ഡുകളില് ഒന്നായി മാരുതി മാറിയേക്കും. ടാറ്റയോടും മഹീന്ദ്രയോടും ആവും മാരുതിയുടെ പ്രധാന മത്സരം.
2030ഓടെ മാരുതി വില്ക്കുന്ന ആകെ വാഹനങ്ങളുടെ 15 ശതമാനവും ഇലക്ട്രിക് ആയിരിക്കുമെന്നാണ് വിലയിരുത്തല്. ഹൈബ്രിഡ് മോഡലുകളുടെ വിഹിതം 25 ശതമാനം ആയിരിക്കും. ഇപ്പോഴത്തെ 43 ശതമാനം വിപണി വിഹിതം 50 ശതമാനം ആയി ഉയര്ത്തും. അതേ സമയം വില്പ്പന ലക്ഷ്യം കമ്പനി ചുരുക്കിട്ടുണ്ട്. ഒരു വര്ഷം 50 ലക്ഷം വാഹനങ്ങള് ലക്ഷ്യമിട്ട സ്ഥാനത്ത് 32 ലക്ഷം യൂണീറ്റുകളുടെ വില്പ്പനയാണ് രണ്ടായിരത്തിമുപ്പതിനുള്ളില് കമ്പനി പ്രതീക്ഷിക്കുന്നത്.
നിലവില് ഒരു ശതമാനത്തിലധികം ഇടിവോടെ 8663.65 രൂപയിലാണ് (11:50 AM) മാരുതി സുസൂക്കി ഓഹരികളുടെ വ്യാപാരം.
Read DhanamOnline in English
Subscribe to Dhanam Magazine
