പൊറിഞ്ചു വെളിയത്തിന് ലോട്ടറിയായി രണ്ട് ഓഹരികള്‍, അപ്പര്‍ സര്‍ക്യൂട്ടില്‍ ഈ കേരള ഓഹരി
സ്‌മോള്‍ക്യാപ് ഓഹരികളില്‍ നിക്ഷേപിച്ച് നേട്ടമുണ്ടാക്കുന്നതാണ് കേരളത്തിന്റെ ഈ 'സൂപ്പര്‍സ്റ്റാര്‍' നിക്ഷേപകനെ വ്യത്യസ്തനാക്കുന്നത്
Image : equityintelligence.com/Porinju Veliyath
പ്രമുഖ നിക്ഷേപകനും പോര്‍ട്ട്‌ഫോളിയോ മാനേജറുമായ പൊറിഞ്ചു വെളിയത്തിന് മികച്ച നേട്ടം നല്‍കി രണ്ട് സമോള്‍ക്യാപ് ഓഹരികള്‍. കേരളം ആസ്ഥാനമായുള്ള ആയുര്‍വേദ ഉത്പന്ന നിര്‍മാതാക്കളായ കേരള ആയുര്‍വേദ ഓഹരികള്‍ തുടര്‍ച്ചയായ രണ്ടാം ദിവസത്തിലും അപ്പര്‍സര്‍ക്യൂട്ടിലാണ്. ഇന്ന് ഓഹരി വില സര്‍വകാല റെക്കോഡായ 410 രൂപ തൊട്ടു. ഈ വര്‍ഷം ഇതു വരെ ഓഹരിയുടെ നേട്ടം 51.34 ശതമാനമാണ്. കഴിഞ്ഞ ഒരു വര്‍ഷത്തെ നേട്ടമാകട്ടെ 286.42 ശതമാനവും.
അപ്പര്‍ സര്‍ക്യൂട്ടിൽ കായ
2024 ജൂണ്‍ 14 വരയുള്ള കണക്കനുസരിച്ച് പൊറിഞ്ചു വെളിയത്തിനും ഇക്വിറ്റി ഇന്റലിജന്‍സിന്റെ ഇടപാടുകാര്‍ക്കുമായി മൊത്തം 8.63 ലക്ഷം ഓഹരികളാണ് കായയിലുള്ളത്. ഇത് കമ്പനിയുടെ മൊത്തം ഓഹരികളുടെ 6.6 ശതമാനം വരും. ഇന്നത്തെ ഓഹരി വിലയനുസരിച്ച് ഏകദേശം 43.23 കോടി രൂപയാണ് ഈ ഓഹരികളുടെ നിക്ഷേപ മൂല്യം.