രാജ്യത്ത് വായുമലിനീകരണത്തിന്റെ തോത് ക്രമാതീതമായി ഉയർന്നതോടെ എയർ പ്യൂരിഫയറുകൾക്ക് നല്ലകാലം. ആമസോണിലും ഫ്ലിപ്കാർട്ടിലും ഉത്സവ കാല വില്പനയിൽ സ്മാർട്ട്ഫോണുകൾക്കൊപ്പം ഇത്തവണ റെക്കോർഡിട്ടത് ഈ ഉപകരണങ്ങളാണ്.
എയർ പ്യൂരിഫയറുകളുടെ വിൽപനയിൽ കഴിഞ്ഞ വർഷത്തേക്കാൾ 400 ശതമാനം വർധനവാണ് ഫ്ലിപ്പ്കാർട്ട് രേഖപ്പെടുത്തിയത്. വായുമലിനീകരണം വർധിക്കുന്നെന്ന മാധ്യമ റിപ്പോർട്ടുകളോടുള്ള ഉപഭോക്താക്കളുടെ പ്രതികരണമാണ് ഈ വളർച്ച.
ആമസോണിൽ പ്യൂരിഫയറുകളുടെ വിൽപനയിൽ മൂന്ന് മടങ്ങ് വർധനയാണ് രേഖപ്പെടുത്തിയിരിക്കുന്നത്.
വായുമലിനീകരണം ഏറ്റവും കൂടുതലുള്ള ലോകത്തെ 10 നഗരങ്ങളിൽ ഒൻപതെണ്ണവും ഇന്ത്യയിലാണെന്നാണ് ലോകാരോഗ്യ സംഘടനയുടെ ഏറ്റവും പുതിയ റിപ്പോർട്ട് ചൂണ്ടിക്കാട്ടിയത്. ഈ ദീപാവലി കാലത്ത് മലിനീകരണത്തോത് റെക്കോർഡ് നിലയിൽ എത്തി.
ഈ സാഹചര്യം പ്രയോജനപ്പെടുത്തി പാനസോണിക്, ഹണിവെൽ, ഷവോമി, ഫിലിപ്സ്, ഡൈസൺ തുടങ്ങിയ കമ്പനികൾ എയർ പ്യൂരിഫയറുകളുടെ ഉൽപ്പാദനം വർധിപ്പിച്ചിട്ടുണ്ട്. അവയെ കൂടുതൽ ആകർഷകമാക്കാൻ, ഇത്തവണ വിലയും കുറച്ചു.
Read DhanamOnline in English
Subscribe to Dhanam Magazine
