Begin typing your search above and press return to search.
ഡേറ്റ സേവനങ്ങളിലെ മികച്ച വളര്‍ച്ച ഈ ടാറ്റ ഓഹരിയില്‍ മുന്നേറ്റം ഉണ്ടാക്കും
കടം 5,710 കോടി രൂപയായി കുറഞ്ഞു, 1,000 പേര്‍ക്ക് പുതിയ നിയമനം
കമ്പനികള്‍ക്ക് ഇന്റര്‍നെറ്റ് ശൃംഖല സ്ഥാപിക്കുന്നതിനും മറ്റും ഡിജിറ്റല്‍ സേവനങ്ങള്‍ നല്‍കുന്ന കമ്പനിയാണ് ടാറ്റ കമ്മ്യൂണിക്കേഷന്‍സ് (Tata Communications Ltd). 2022-23 ലെ മികച്ച പ്രകടനത്തിന്റെ പശ്ചാത്തലത്തില്‍ ഓഹരിയില്‍ മുന്നേറ്റമുണ്ട്. ഇത് തുടരാനാണ് സാധ്യത. അതിനുള്ള കാരണങ്ങള്‍:
1. 2022 -23 നാലാം പാദത്തില്‍ വരുമാനത്തില്‍ 7.2 ശതമാനം വാര്‍ഷിക വളര്‍ച്ച കൈവരിച്ചു. നികുതിക്കും പലിശക്കും മുന്‍പുള്ള മാര്‍ജിന്‍(EBIDTA Margin) 22.6 ശതമാനം. വരുമാനം പ്രതീക്ഷിച്ചതിലും കുറവായിരുന്നുവെങ്കിലും ഡാറ്റ വിഭാഗത്തില്‍ മൂന്ന് പാദങ്ങളില്‍ ഇരട്ട അക്ക വളര്‍ച്ച നിലനിര്‍ത്താന്‍ സാധിച്ചു. (മാര്‍ച്ച് പാദത്തില്‍ 11.2 ശതമാനം). വോയിസ് ബിസിനസില്‍ 13.9 ശതമാനം ഇടിവ് ഉണ്ടായി.
2. മൊത്തം കടം 6,270 കോടി രൂപയില്‍ നിന്ന് 5,710 കോടി രൂപയായി കുറഞ്ഞു. മൂലധന ചെലവ് ഡിസംബര്‍ പാദത്തില്‍ 390 കോടി രൂപ, മാര്‍ച്ച് പാദത്തില്‍ 530 കോടി രൂപ. ഡിജിറ്റല്‍ പ്ലാറ്റ്‌ഫോം അനുബന്ധ സേവനങ്ങളും 15.9 ശതമാനം വളര്‍ച്ച കൈവരിച്ചു.
3. പ്രോഡക്റ്റ് & എഞ്ചിനിയറിംഗ് വിഭാഗത്തില്‍ 1000 പേരെ പുതുതായി നിയമിച്ചു. ഡാറ്റ വിഭാഗത്തില്‍ 2023-24, 2024-25 കാലയളവില്‍ ഇരട്ട അക്ക വളര്‍ച്ച കൈവരിക്കാന്‍ സാധിക്കുമെന്ന് കരുതുന്നു. ഈ കാലയളവില്‍ മൊത്തം വരുമാനത്തില്‍ 8 ശതാനം സംയുക്ത വാര്‍ഷിക വളര്‍ച്ച നിരക്ക് കൈവരിക്കാന്‍ സാധിക്കുമെന്ന് പ്രതീക്ഷ.
4. ജീവനക്കാരുടെ ചെലവുകള്‍ വര്‍ധിക്കുന്ന സാഹചര്യത്തില്‍ 2023-24 ല്‍ 23 ശതാനം കൈവരിക്കാന്‍ സാധിക്കുകയുള്ളൂ എന്നാല്‍ 2024-25 ല്‍ മാര്‍ജിന്‍ 24.2 ശതമാനമായി ഉയരാം.
5. ഡാറ്റ വിഭാഗത്തിലെ മാര്‍ജിന്‍ ഇടിവ്, വലിയ ഓര്‍ഡറുകള്‍ കരസ്ഥമാക്കാന്‍ കഴിയാത്തത്, വര്‍ധിക്കുന്ന മത്സരം എന്നിവ കമ്പനിയുടെ സാമ്പത്തിക വളര്‍ച്ചയെ ബാധിക്കുന്ന ഘടകങ്ങളാണ്. രണ്ട് ക്ലൗഡ് അധിഷ്ഠിത ഉല്‍പ്പന്നങ്ങള്‍ പുറത്തിറക്കിയത് ശുഭ പ്രതീക്ഷകള്‍ നല്‍കുന്നു.
നിക്ഷേപകര്‍ക്കുള്ള നിര്‍ദേശം -വാങ്ങുക (Buy)
ലക്ഷ്യ വില -1470 രൂപ
നിലവില്‍ -1241 രൂപ
Stock Recommendation by Emkay Global.
(Equity investing is subject to market risk. Always do your own research before investing.)
Next Story
Videos