ഇന്ത്യന് ഓഹരി വിപണികള്ക്ക് തിങ്കളാഴ്ച അവധി. വാരാന്ത്യ അവധികള്ക്കൊപ്പം മറ്റന്നാള് ഈദുല് ഫിത്വര് അവധി കൂടി വരുന്നതിനാല് തുടര്ച്ചയായ മൂന്നു ദിവസം ട്രേഡിംഗ് നടക്കില്ല. നാഷണല് സ്റ്റോക്ക് എക്സ്ചേഞ്ചും ബോംബെ സ്റ്റോക്ക് എക്സ്ചേഞ്ചും തിങ്കളാഴ്ച പ്രവര്ത്തിക്കില്ലെന്ന് എക്സ്ചേഞ്ചുകള് അറിയിച്ചു.
അതേസമയം, മള്ട്ടി കമോഡിറ്റി എക്സ്ചേഞ്ച് (എംസിഎക്സ്) ഭാഗികമായി പ്രവര്ത്തിക്കും. വൈകീട്ട് 5 മണി മുതല് രാത്രി 11.30 വരെയാണ് പ്രവര്ത്തിക്കുക. രാജ്യത്തെ ഏറ്റവും വലിയ അഗ്രികള്ച്ചറല് കമോഡിറ്റി എക്സ്ചേഞ്ച് ആയ നാഷണല് കമോഡിറ്റി ആന്റ് ഡെറിവേറ്റീവ് എക്സ്ചേഞ്ച് (എന്.സി.ഡി.ഇ.എക്സ്) പൂര്ണമായും പ്രവര്ത്തിക്കില്ല.
ഓഹരി വിപണിയില് ഈ വര്ഷം ഏറ്റവുമധികം അവധികളുള്ള മാസങ്ങള് ഏപ്രിലും ഒക്ടോബറുമാണ്. ഏപ്രില് 10 (മഹാവീര് ജയന്തി), ഏപ്രില് 14 (അംബേദ്കര് ജയന്തി), ഏപ്രില് 18 (ദു:ഖവെള്ളി) എന്നീ ദിവസങ്ങളില് വിപണി പ്രവര്ത്തിക്കില്ല.
ഒക്ടോബറില് ദീപാവലിയോടനുബന്ധിച്ചാണ് രണ്ട് ദിവസത്തെ അവധി. ഓഗസ്റ്റ് മാസത്തില് രണ്ട് അവധി ദിനങ്ങളുണ്ട്. മറ്റ് മാസങ്ങളില് ഓരോ ദിവസം വീതവും. ഒക്ടോബര് 21 ന് ചൊവ്വാഴ്ചയാണ് മുഹൂര്ത്ത വ്യാപാരം.
മാര്ച്ച് 31, തിങ്കള്-ഈദുല് ഫിത്വര്
ഏപ്രില് 10, വ്യാഴം-ശ്രീ മഹാവീര് ജയന്തി
ഏപ്രില് 14, തിങ്കള്- അംബേദ്കര് ജയന്തി
ഏപ്രില് 18, വെള്ളി- ദു:ഖ വെള്ളി
മെയ് 01, വ്യാഴം- മഹാരാഷ്ട്ര ദിനം
ഓഗസ്റ്റ് 15, വെള്ളി- സ്വാതന്ത്ര്യ ദിനം
ഓഗസ്റ്റ് 27, ബുധന്- ഗണേശ ചതുര്ത്ഥി
ഒക്ടോബര് 02,വ്യാഴം- ഗാന്ധി ജയന്തി/ ദസറ
ഒക്ടോബര് 21, ചൊവ്വ- ദീപാവലി
ഒക്ടോബര് 22, ബുധന്- ദീപാവലി
നവംബര് 05, ബുധന്- ഗുരു നാനാക് ജയന്തി
ഡിസംബര് 25, വ്യാഴം- ക്രിസ്മസ്
Read DhanamOnline in English
Subscribe to Dhanam Magazine
