കാര്‍ട്രേഡ് ഉള്‍പ്പെടെ അടുത്തയാഴ്ച ഐപിഓയ്ക്ക് എത്തുന്നത് 4 കമ്പനികള്‍; വിശദാംശങ്ങളറിയാം

ഐപിഓ മാമാങ്കത്തിലേക്ക് നാല് കമ്പനികള്‍ കൂടെ എത്തുന്നു. കാര്‍ ട്രേഡ്, നുവോകോ വിസ്റ്റാസ്, ആപ്റ്റസ് വാല്യൂ ഹൗസിംഗ്, കെംപ്ലാസ്റ്റ് സന്‍മാര്‍ എന്നീ നാല് ഐപിഒകളില്‍ - കാര്‍ ട്രേഡ് ഐപിഒ, നുവോകോ വിസ്റ്റാസ് ഐപിഒ - എന്നിവ 2021 ഓഗസ്റ്റ് 9 ന് തുറക്കും. മറ്റ് രണ്ട് ഐപിഒകള്‍ - ആപ്റ്റസ് വാല്യൂ ഹൗസിംഗ്, ചെംപ്ലാസ്റ്റ് സന്‍മാര്‍ - എന്നിവര്‍ 2021 ഓഗസ്റ്റ് 10 നും സബ്‌സ്‌ക്രിപ്ഷനായി തുറക്കും.

വരാനിരിക്കുന്ന ഈ നാല് ഐപിഒകളില്‍ കമ്പനികള്‍ സമാഹരിക്കാന്‍ പദ്ധതിയിടുന്നത് 14,628.55 കോടി രൂപയാണ്. ഇതില്‍ കാര്‍ ട്രേഡ് ടെക്കിന്റെ പ്രൊമോട്ടര്‍മാര്‍ അവരുടെ പബ്ലിക് ഇഷ്യുവിലൂടെ 2,998.51 കോടി രൂപ സമാഹരിക്കാന്‍ ആണ് പദ്ധതിയിടുന്നത്. നുവോകോ വിസ്റ്റാസ് മാനേജ്‌മെന്റ് 5,000 കോടി രൂപയും ആപ്റ്റസ് വാല്യൂ ഹൗസിംഗ് ഫിനാന്‍സ് ഇന്ത്യ ലിമിറ്റഡ് 2,780.05 കോടി രൂപയുമാണ് ലക്ഷ്യമിടുന്നത്. കെംപ്ലാസ്റ്റ് സന്‍മാര്‍ മാനേജ്മെന്റ് 3,850 കോടി രൂപ സമാഹരിക്കാനും ലക്ഷ്യമിടുന്നു. ഐപിഒ വിശദാംശങ്ങള്‍ ചുവടെ.

സബ്‌സ്‌ക്രിപ്ഷന്‍ വിശദാംശങ്ങള്‍ : കാര്‍ ട്രേഡ് ഐപിഒ, നുവോകോ വിസ്റ്റാസ് ഐപിഒ - എന്നിവ 2021 ഓഗസ്റ്റ് 9 ന് തുറക്കും. 11 ന് അവസാനിക്കും. മറ്റ് രണ്ട് ഐപിഒകള്‍ - ആപ്റ്റസ് വാല്യൂ ഹൗസിംഗ്, ചെംപ്ലാസ്റ്റ് സന്‍മാര്‍ - എന്നിവര്‍ 2021 ഓഗസ്റ്റ് 10 നും സബ്‌സ്‌ക്രിപ്ഷനായി തുറക്കും, 12 ന് അവസാനിക്കുകയും ചെയ്യും.

ഓഹരി വില: കാര്‍ ട്രേഡിന്റെ പ്രമോട്ടര്‍മാര്‍ അവരുടെ പബ്ലിക് ഇഷ്യുവില 1585 മുതല്‍ 1618 രൂപവരെ നിശ്ചയിച്ചിട്ടുണ്ട്, അതേസമയം നുവോകോ വിസ്റ്റാസ് ഐപിഒ പ്രൈസ്ബാന്‍ഡ് 560 മുതല്‍ 570 യൂറോ വരെയാണ്. ആപ്റ്റസ് ഹൗസിംഗും കെംപ്ലാസ്റ്റും പ്രൈസ് ബാന്‍ഡ് 530 മുതല്‍ 541 വരെയാണ് നിശ്ചയിച്ചിട്ടുള്ളത്.

അലോട്ട്‌മെന്റ്: കാര്‍ ട്രേഡ്, നുവോകോ വിസ്റ്റാസ് അലോട്ട്‌മെന്റ് ഓഗസ്റ്റ് 17 നും ആപ്റ്റസ് ഹൗസിംഗും കെംപ്ലാസ്റ്റും ഓഗസ്റ്റ് 24 നുമാണ്.

ലിസ്റ്റിംഗ്: ഈ നാല് കമ്പനികളും ബിഎസ്ഇ, എന്‍എസ്ഇ എന്നിവിടങ്ങളില്‍ ലിസ്റ്റ് ചെയ്യപ്പെടും. കാര്‍ ട്രേഡ്, നുവോകോ എന്നിവര്‍ ഓഗസ്റ്റ് 23 നും ആപ്റ്റസ് ഹൗസിംഗ്, കെംപ്ലാസ്റ്റ് എന്നിവര്‍ 24 നും ലിസ്റ്റ് ചെയ്യും.

ഗ്രേ മാര്‍ക്കറ്റ് : ഈ നാല് ഇഷ്യുകളും അടുത്തയാഴ്ച ദലാല്‍ സ്ട്രീറ്റില്‍ എത്തുമെന്നാണ് പ്രതീക്ഷിക്കുന്നതെങ്കിലും, ഐപിഒകളെ സംബന്ധിച്ച് ഗ്രേ മാര്‍ക്കറ്റില്‍ ഇതിനോടകം സൂചനകള്‍ എത്തിയിട്ടുണ്ട്. കാര്‍ ട്രേഡ് ഐപിഒ 450 രൂപയ്ക്കും നുവോകോ വിസ്റ്റാസ് ഐപിഓ 40 രൂപയ്ക്കുമാണ് ഗ്രേമാര്‍ക്കറ്റില്‍ എത്തിയിട്ടുള്ളത്.